search

Writer

How do you feel about the article?

أرجوك يا يونج أخطئ

  • - كتبتها شادن خليل –

مين فينا يقدر  ينسى فيلم فول الصين العظيم؟ خصوصًا أنه فيلم من أفلام محمد هنيدى اللى بناخد منه أغلب أفيهاتنا، كان فيه قاتل مأجور اسمه يونج، أول ما ظهر قال له زعيم العصابة إنه مش عايز أخطاء، فكان رده: "يونج لا يخطئ أبدًا"، وقام مطلع السيف ومفتفت صورة محى الشرقاوى بالسيف بشكل دقيق وهو مش باصص.

فيه ناس بتعيش تحت مبدأ يونج بأنه ما يغلطش أبدًا، ويخلى كل حاجة مثالية، أو خلينا نقول ببساطة إنهم قايسين كل حاجة بالمسطرة وبالمللى، فى الحقيقة، دول أكتر ناس بيتعبوا لأنهم مش متأقلمين مع إن طبيعة البشر إنهم بيغلطوا، وعمرهم مهما حاولوا ما حيبطلوا يغلطوا ولو بنسبة ضئيلة، ثم كمان توقعات الشخص حتاخده وتقع على دماغه لإن الدنيا مش حتكون سهلة ومن غير مشاكل تواجهه فى حياته بشكل عام.

برضه، شوية كتير من أهلنا لهم عامل فعال في تقييدنا بالمثالية زي أنهم عايزنك تجيب الدرجات النهائية وبمجموع كبير من باب أنهم عايزين يشوفك ناجح وهو دافع كويس بس هو الحقيقة بيضغط على الشخص جامد، وممكن يتطور الموضوع للمقارنة فتبقى الجملة "ابن خالتك جاب كذا وأنت جايب أقل منه".

قيس على كدة بقى الحياة بشكل عام سواء الشغل اللى مليان مشاكل منها اللى تقدر تعديه ومنها اللى بتتعلم تعديه مع الوقت أو بمعنى أصح بتتعلم فن الكياسة مع مواقف الشغل ودى بيبقى فيها أخطاء عشان مرة بتفشل ومرة تنجح لحد ما تشوف أنجح طريقة.

أو التعاملات مع بشر يوميًا سواء ناس جديدة أو معارف بقى لهم زمن، الناس بطبيعتهم متقلبين مش ثابتين على وضع معين (إحنا مش طوب على فكرة) يعنى ممكن تكون مضغوط فتغلط في حد بدون قصد، أو تكون بتهزر فتطلع كلمة غلط تجرح حد؛ دة مش معناه إنك شرير، بالعكس أنت يمكن غلطت في حقهم، بس الاعتذار واجب وكفاية أصلًا إنك حسيت بتأنيب الضمير اللي معناه إنك كويس، وبتتعلم من غلطك، وغلطك مع البشر بيعلمك إنك تتقبل أخطاء البشر معاك زى ما أنت غلطت قبل كدة وتعدي لهم عشان الحياة تستمر بس لو كرر أخطاءه معاك كتير، شوف ممكن يكون بيستغل إنك بتتسامح معاه.

نيجي لأهم شخص بنبقى مثاليين معاه جدًا، وهو نفسنا، بداية من "يااه لو كنا عملنا كذا فى الموقف دة؟!" أو "أنا ما كانش قصدي أقول كدة والموضوع أتفهم غلط." كل دة بيجي ضمن جلد الذات اللى ممكن يزيد بشكل مبالغ فيه فيتحول لتحطيم الذات؛ لأنك ببساطة مش عارف تحقق أشياء مثالية زيادة عن اللازم، ولو قليت درجة بسيطة عنها ممكن تتضايق.

أهم حاجة أنك تنجح وتبقى عايز أحسن حاجة، بس مش المثالية ..افشل عادي واغلط، واتعلم من الغلط؛ دى مش نهاية الدنيا وأن دي مش حادثة عربية. ما يمكن تكون بداية حاجة جديدة .. حب نفسك، وقيمها بعدل من غير ما تموتها ..

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments