search

الديچا ڤو؟

كتبت سلمى جلال

عمرك قبل كده حسيت وانتَ في وسط قعدة، مع صحابك مثلًا، وبتتكلموا في موضوع معين إن الموقف دة حصل قبل كدة بكل تفاصيله؟ نفس المكان، ونفس الكلام، ونفس الاشخاص وكل حاجة متكررة بالنسبة لك، وغالبًا لما يجيلك الاحساس دة بتستغرب شوية وتتجاهله. الحالة دى اللى بتحصل لمعظمنا اسمها ال"ديچا ڤو déjà vu ومعناها "شوهد من قبل" باللغة الفرنسية، وبتتلخص الحالة دى فى إنك بتحس بتكرار أحداث ومواقف بتقابلك كتير فى حياتك، وبتسأل نفسك ليه بيحصل كده؟ 

كتيرمن علماء النفس حاولوا يفسروا الظاهرة دى عن طريق فرضيات كتير ممكن تكون حقيقة أو خرافة، ومنها:

  • إن الانسان قبل ما يتولد شريط حياته كله بيمر قدامه وهو لسة جنين؛ عشان كدة لما يكون فى الموقف الحقيقى، بيجى له احساس إن الموقف ده اتكرر قبل كدة.. الفرضية دى مش واقعية طبعًا ومافسرتش الظاهرة دى بشكل مقنع.
  • بعض العلماء قالوا إن الظاهرة دى سببها إن فيه عين بتشوف قبل العين التانية؛ عشان كده لما بندرك الموقف اللى بيحصل، بنحس إنه مكرر برغم إنه مش مكرر ولا حاجة، لكنه اتشاف بزاوية تانية قبل ما يتم إدراكه بشكل كامل.. لكن التفسير دة برضو تم إثبات إنه غلط، لأن فيه ناس بتشوف بعين واحدة بس، وبيحصلها ظاهرة الديچا ڤو برضو.

    ربط بعض العلماء بين ظاهرة الديچاڤو وبين أمراض نفسية زي الصرع والانفصام، لكن تم إكتشاف إن مفيش أي علاقة بينهم.

    التفسير الأصح لظاهرة الديچاڤو اللي توصل له العلماء هو احتمالية وجود خلل فى "عملية تفريغ الشحنات الكهربية فى المخ"، كمان أثبتت بعض الدراسات إن فيه أدوية معينة بتزيد من حدوث ظاهرة الديچا ڤو، وفيه علماء تانيين بيقولوا إن الديچاڤو دى ما هى إلا معلومات عرفناها زمان لكن اتنست، وفى حدوث الموقف بنفتكرها تانى فنفتكر إننا عشنا الموقف دة مرتين.

في النهاية نقدر نقول إن العلم بيحاول يدور فى أسباب حدوث الظاهرة دى اللى بتحيرنا كلنا، لكن مفيش فرضية نقدر نجزم إنها صح ومفيش حاجة نقدر نعملها عشان نوقف الديچا ڤو عن إنها تحصلنا.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments