search

Writer

How do you feel about the article?

جايز ده اختبار

- كتبت رنين أحمد -

حياتنا مش دايمًا ماشية زى ما إحنا عايزين،أوقات كتير بنكون مبسوطين وعايشين كويس وفجأة وبدون مقدمات نلاقى حاجه جت نكدت علينا وشقلبت كل حياتنا.

ناس كتير لما بيحصلهم حاجة مش حبينها زى مثلا مشاكل دراسية أو عائلية أو عملية أو غيرها، بتفضل تشكى وتلوم وتسأل كتير ليه يارب واشمعنى أنا؟ ده أنا لسه مافوقتش من الضربة اللى فاتت!

بس محظوظ جداً اللى بيعرف إن ده إبتلاء من ربنا ويصبر عليه، وبيكون واثق إن ربنا لما بيبحب عبد بيبتليه.

طبعاً هنسأل ازاى اللي يحب حد يبتليه؟ ده اللى بيحب حد بيكون عاوزه مبسوط على طول.. ربنا أكيد بيحبك أكتر من أى حد في الدنيا بس الإبتلاء ده دايمًا بيكون إختبار ليك ولصبرك فى الدنيا - اللى هي أساسا مش دايمة - الموضوع وما فيه إن ربنا حابب يجازيك على صبرك - ماهو دخول الجنة مش بالساهل- أو بيكون شايفك بعدت عنه فحابب إنك ترجعله، والدليل على كده إن معظم الرُسل والصحابى اُبتلوا فى أحب ما لديهم وصبروا واحتسبوا.

طب ليه ربنا بيختبرنا في أقرب الحاجات والناس لينا؟ ليه دايما عيلتنا وصحابنا ودراستنا وصحتنا وشغلنا؟ هو بس ربنا عاوزنا نحبه زى مابيحبنا ومنتعلقش غير بيه فبيختبر صبرنا علي فقد أحبتنا من الناس والأشياء عشان نتأكد إن مافيش حاجة أو حد هيدوملنا غيره عز وجل .

من أصدق الجمل اللى بنسمعها "على قدر إيمانك تُبتلى"، ف إدينى سبب واحد يخليك تضايق من إبتلاء ربنا أيا كان نوعه أو يخليك تجزع منه، حتى الرسول عليه أفضل الصلاة والسلام كان دايما ً يدعى ويقول "اللهم إني أعوذ بك من جهد البلاء ودرك الشقاء وسوء القضاء وشماته الأعداء " وده أكيد مش تمنيا ً أو حبًا فى البلاء ولكن ده من شدة معرفته بثواب الصبر على الإبتلاء ومعرفته بحب الله للعبد المبتلى.

كل اللى مطلوب منك إنك تصبر وتركز في اختبار ربنا ليك عشان تقدر تعدى منه كسبان، وتبقى عارف كويس أن الدنيا يوم ليك ويوم عليك،  وبعد العسر أكيد هيجى اليسر، وإن ربنا أكيد مش ناسيك ولا ناسى دموعك وصبرك ودعائك، فأبشر أيها المبتلى الصابر واحتسب ما لك عند الله من عظيم الأجر، وردد دايما:  ”سامحنى يا الله إذا بكيت على قضائك رغم أنى مؤمن به، وبكيت على بلائك وأنا أعلم أنه اختبار لى، سامحنى يا الله اذا أنفلت صبرى وضاقت نفسى وسئمت“.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments