search

Writer

How do you feel about the article?

حب نفسك عشان تستاهل انها تتحب

- كتبت إيمان حسين -

من بين كل العلاقات ماشوفتش أصدق من علاقة الإنسان بنفسه، المكسب والخسارة شىء وارد، حتى فى الأشخاص العوض أوقات بيكون له دور فى حياتنا لكن فى خساره واحده حتى العوض بيعجز قدامها وهى خسارتك لنفسك .. خسارتك لنفسك مستحيل تتعوض مهما حصل، فسلاما لأولئك أصحاب الخساره الكارثيه.

تقديرنا لنفسنا وحبنا ليها هو اللى بيخلينا نحس بالسلام الداخلى والرضا بيخلينا قادرين نكمل ونعافر فى طريقنا، لو احنا حاسين بقيمة نفسنا فكل خسارة أو سقوط هنقدر نقوم من أول وجديد ونكمل حياتنا.

معظمنامش حاسس بقيمة نفسه احنا مش جايين الدنيا عشان نهين نفسنا عشان خاطر أى حد ولا عشان نقتصر حياتنا على شخص، ماينفعش نبنى كل حياتنا على شخص واحد ونفضله عن نفسنا لأنك ببساطه وانت بتعمل كده هتبدأ تخسر نفسك هتبتدى تفضل غيرك على نفسك ودى هتبقى اول خطوات الفشل فى حياتك .

أحلامك ماينفعش تقتصر على أشخاص أو أسرة أو بيت أو شغل أو دراسة وشكراً على كده لو ركزت على حاجه واحدة بس فى حياتك وبقت هى محور حياتك تأكد أنك فى لحظه هتقع ومفيش أى حد هيقدر يساعدك ولا أنت حتى هتعرف تساعد نفسك.

لازم تحلم بالحياة الحقيقية بالنجاح بالسفر بكيانك وقيمتك فى الحياه تشوف أنت نفسك تعمل ايه حتى لو حاجه تافهه تعملها ساعتها بس هتحس بالرضا عن نفسك وتأكد إن الله لا يؤخر أمراً إلا لخير ولا يحرمك أمراً إلا لخير ولا ينزل عليك بلاء إلا لخير فلا تحزن رب الخير لا يأتى إلا بخير.

المفروض إن احنا نحب نفسنا اكتر من أى حاجه تانية، وده مش معناه إن مثلاً ماتخليش حد فى حياتك لا طبعاً وجود الأهل والصحاب والأحباب فى حياتنا ده مهم جداً وله دور أساسى فى حياة كل واحد فينا، بس ماينفعش حد يفرض طريقة تفكيره عليك مهما كان الشخص ده عندك غالى لازم نفكر بنفسنا يا جماعه نشوف احنا عاوزين ايه مش مين عاوزنا نبقى ايه، المفروض نتقبل بعضنا زى ما احنا بالحلو والوحش وماينفعش نيجى على نفسنا عشان خاطر أى حد مهما كان، ماينفعش الأهل يجبروا عيالهم على جواز أو شغل أو كلية، ماينفعش نتنازل عن حياتنا وأحلامنا عشان حد مش مهتم أصلا بيهم ولا مهتم بيك شخصيا اللى هيحبك هيتقبلك زى ما انت بالحلو والوحش ماينفعش نتنازل تحت مسمى الحب أو أى مسمى تانى.

من الآخر كده اعرف قيمة نفسك عشان اللى حواليك يعرفوها ويقدروها وكن لنفسك كل شىء، واتأكد انك لو انت مش مقدر نفسك محدش هيقدرك.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments