search

Writer

How do you feel about the article?

Blacklist

 - كتب محمد عصام -

الـ"blacklist" أو القائمة السوداء هى خاصية موجودة فى الموبايل، ومن أهم الخواص فيه انك لما حد يتصل بيك، ويرخم عليك، أو واحد بيعاكسك، على طول بنحطه في القائمة السوداء اللى بتمحى الرقم ده خالص من حياتنا، ويبطل يزهقنا.

القائمة السوداء مش بس خاصية رفض مكالمات في الموبايل، لكن هى ممكن تبقى خاصية لينا إحنا كمان، ليه كل واحد ميبقاش عنده "blacklist" خاصة بيه يقدر يحط فيه شهواته، والأمور اللي مسيطرة عليه، ومش قادر يبعد عنها، لحد ما وصلت لمرحلة الإدمان.

أنتَ بتشرب سجاير، وبتدمر صحتك، وأنتي اتعرفتى على ناس مش تمام، وبقت سيرتك على كل لسان، ليه متحاولوش تفعلوا الخاصية دى، وأنتَ تبطل سجاير، وهى تحط الناس دى في الرفض طول العمر، طبعًا القائمة دى مش متوقفة على شرب السجاير، والناس الغلط اللي بنقابلها في حياتنا لكن هي شاملة لكل حاجة مبوظة عليك حياتك، وأنتوا أدرى بنفسكوا، وعارفين بتعملوا أيه غلط.

الفكرة مش صعبة، والموضوع مش صعب أنك تعمل قائمة سوداء، ممكن في الوقت اللي أنتَ بتقرا فيه دلوقتي تكون الفكرة عجبتك، وقررت تعملها.. القرار اللي في العقل حلو، بس صعب وقت تنفيذه، الصعب أنك تبدأ؛ لأنك لو بدأت هتكمل، ممكن تعمل القائمة دى بورقة و قلم، علشان ما تنساهاش، وتخليها قدام عينك، أغلبنا ما كناش بنحب نقرا حتى من غير ما نقرأ، لكن لما قرأنا أول كتاب فى حياتنا، وطلع حلو كملنا في طريق القراءة.

جرب تنفذ، وتقرب من ربنا بالقائمة دى؛ إنك ما تنفذش أى حاجة فيها، وساعتها فعلًا هتحس بفرق أنك قررت، وحاولت، وقدرت.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments