search

Writer

How do you feel about the article?

شايف نفسك فين بعد 5 سنين؟

- كتبت سلمى جلال -

على ما قد ما هو سؤال رخم و"كليشيه" فى أى انتيرفيو، إلا انك لو ركزت فيه وحاولت تلاقى له إجابة يا إما هتبتسم وكلك أمل وثقة فى الخطة اللي راسمها لحياتك، يا إما هتتنكد وتقعد تتساءل أنا فعلا هبقى فين بعد 5 سنين؟ أو أنا عايز أكون محقق إيه بعد 5 سنين من دلوقتى؟

لو أنت الشخص الأول، أحب أحييك على طموحك وعلى قدرتك على تحديد هدفك وإرادتك انك توصله مهما حصل، تحديد الهدف ده بيعتبر خطوة كبيرة في حياة أى حد، وهى اللى بتخليه يكمل فى مشوار حياته بكل شغف، وبيبقى دايمًا عايز يتميز فى المجال اللى هو فيه ويسيب بصمة.

لو أنت بقى الشخص التاني، فـ"تعالى في حضن أخوك يا فواز".

إحساس التوهان وفقدان الشغف فى كل حاجة ده من أكتر الحاجات اللى بتقفل الواحد من حياته وتخليه يحس أنه مالوش لازمة وان أيامه كلها شبه بعض، ويا سلام بقى لما تكون فاكر انك عارف أنت عايز إيه فى حياتك بالظبط ومحدد هدفك وبتمشي وراه، بس فجأة تلاقى نفسك في وسط الطريق ده بتقول هو ده فعلا اللى أنا عايزة وهكون متميز فيه؟ ولا ده مجرد وهم وآنا لسه ماكتشفتش نفسي ولا عارف أنا عايز إيه ولا هبقى إيه في المستقبل؟ فلو ماكنش ليك هدف خلي هدفك الأول انك تلاقي واحد.

اللي آنا عايزة أقوله.. إن مش عيب مايبقالكش هدف في الحياة، أو يبقى ليك هدف وفجأة تكتشف إن ده مش مكانك وانك كنت غلطان في كل الحاجات اللى كنت بانيها لمستقبلك، عادي.. وارد كل ده يحصل لأننا لسه بنكتشف ذاتنا وبنتغير مع تغير الأيام، لكن العيب انك بعد 5 سنين تفضل زى ما أنت مش عارف أنت شايف نفسك فين بعد الـ5 سنين اللي بعدهم، وتفضل طول عمرك هايم فى وسط الناس والطرق مش عارف أنت بتعمل إيه ولا عايز توصل لايه في حياتك، تبقى مجرد عدد بين أعداد كتير من الناس، زى ما جيت للدنيا زى ما مشيت منها بالظبط.

و زي ما قال الكاتب ديل كارنيجى: "بدون هدف ستمر الأيام عبثًا، وتنتهى كما تنتهى، بلا تمييز".

 

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments