search

عزيزي عزيز

كتبت - سلمى جلال

معظمنا - ده لو مش كلنا -  بنسمع موسيقى الـ"underground"  واللى بتعتبر من أقرب أنواع الموسيقى واللأغانى لقلوبنا، لأنها بتعبر عن أفكارنا ومشاكلنا بأسلوب جديد ومختلف.

أنا بشكل شخصى فرق والمغنيين الـ "underground"الأردنيين هم الأفضل، وهأخص بالذكر واحد من أقرب الناس إلى قلبى وقلوب المصريين كلهم وهو "عزيز مرقة".

عزيز مرقة يعتبر "عربى الأصل" - على حد قوله - لأنه اتولد فى تونس، والدته من أصول فلسطينية ووالده من أصول أردنية، عاش حياته فى الأردن، لكنه حاليًا عايش فى ولاية تكساس فى أمريكا.

بترجع شهرة "عزيز" لكونه أول من ابتكر موسيقى "الراز"، واللى هى عبارة عن مزيج من الروك، والموسيقى العربية، والچاز، وكان مشروع تخرجه هى أغنية "شيخ البلد" ودى كانت الأغنية الأفضل ليه خلال مسيرته كمغنى.

بالإضافة لصوته وكلمات أغانيه الأكتر من رائعة، عزيز مؤلف موسيقى مبدع، وعنده تراك موسيقى معروفة باسم "Laa" هو بالنسبة لى من أكتر الحاجات المؤثرة اللى سمعتها وده اللينك للى حابب يسمع:

https://soundcloud.com/stevey89/aziz-maraka-laa-live

بتتنوع مجالات أغانى عزيز بين حب، حزن، حنين، ثورة وغيرها كتير، وعنده أغانى بتتكلم عن الوطن العربى ومشاكله وهما "ابكى" و "عدى يا غيم"، وأنا بعتبرهم من أعظم الحاجات اللى اتقدمت فى الموضوع ده،

كمان عمل أغنية بمناسبة عيد الأم مع مجموعة من الأطفال وكانت باسم "ست الكل هى ماما".

Aziz Maraka  - Ibky - SoundCloud

Listen to Aziz Maraka  - Ibky by Keep Music Weird #np on #SoundCloud https://soundcloud.com/keep-music-weird/aziz-maraka-ibky

Aziz Maraka - Eyeh l عزيز مرقة - عدّي يا غيم - SoundCloud Listen to Aziz Maraka - Eyeh l عزيز مرقة - عدّي يا غيم by iNady #np on #SoundCloud https://soundcloud.com/inady/aziz-maraka-eyeh

أما في مصر، فبيتمتع عزيز بشعبية كبيرة جدًا، وكانت ساقية الصاوى الساحة التى عرض عليها حفلاته الثلاثة وحققوا نجاح كبير جدًا وغير متوقع - وأنا طبعًا حضرت وما فوتش فرصة زى دى -  وكان بيغنى ويعزف لايڤ أحلى وأعظم بكتير من الاغاني المسجلة وده شئ يحسب له، وفي أول حفلة له في مصر غنى النشيد الوطنى المصرى وكان أحلى نشيد وطني والله.

عزيز مرقة - بلادي (النشيد الوطني) - من حفل ساقية عبد المنعم الصاوي 26-11-2016 - SoundCloud Listen to عزيز مرقة - بلادي (النشيد الوطني) - من حفل ساقية عبد المنعم الصاوي 26-11-2016 by Maged Khalaaf #np on #SoundCloud https://soundcloud.com/maged-khalaaf/26-11-2016a-1

اتفاجئ المنظمين المسؤولين داخل ساقية الصاوى عن الحفلة من جمهور عزيز مرقة الكبير اللى حضر، علشان كده عملوا حفلة إضافية في اليوم اللي كان بعد الحفلة، ودة بيدل قد أيه إحنا بنحبه هنا في مصر.

أنا لو قعدت اتكلم عن عزيز مرقة وحلاوة الموسيقى اللي بيقدمها الكلام مش هيخلص والله، أنا من موقعى هذا أحب أعبر عن حبي الشديد لأحلى عزيز مرقة، وأتمنى إنه يشرفنا قريب، وأتمنى إنه يقرأ كلامى دة، ويعرف أن كل صحابى بيسمعوه بسببى - وبسبب إنه مغنى رائع طبعًا - وشكرًا.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments