search

عيش وقتك عيش أيامك

- كتبته آلاء حجازى -

"أنا مش عارف/ة أنا عايز/ة إيه في حياتي! بقى عندي  24 سنة و لسة مش مُستقر في شغل أو في حياتي!".. جُمل بنسمعها كتير و يمكن بنقولها كمان، بس ممكن أقولكوا حاجة؟ ده الطبيعي في السن ده، طبيعى إنك لما تبقى لسه متخرج مايبقاش فيه حياة روتينية وده الأصح، طبيعى إنك فى سن العشرينات تعمل حاجات كتير أوى غير الإستقرار.

- إشتغل أي حاجة وكل حاجة ومن غير كسوف، إصرف فلوسك كلها على نفسك واخرج وإتبسط وإشترى اللى نفسك فيه من غير ماتقول هحوش، إلا لو عايز تحوش عشان تسافر! ساعتها مش مهم أي حاجة تانية.

- سافروا أى حتة و إتعرفوا على ناس جديدة من بلاد وثقافات مختلفة وإفتحوا عقولكوا والكلام ده للولاد والبنات كمان، السفر بيشجع وبيغير حاجات كتير أوى فى شخصياتكوا وماتخفوش من حاجة، ولو ماعندكش القدرة تسافر برة مصر، فسافر جواها ولِفها كلها من شرقها لغربها ومن شمالها لجنوبها.

- ماتضيعوش فرصة لأى حاجة، يعني ماتبُصش لحاجة أنت مش شايفها ولا عارفها وتضيع اللى معاك، يبقى ولا منك إتبسطت وإستمتعت باللي معاك ولا وصلت للى مش معلوم بالنسبة ليك.

- بالنسبة للتعليم بقى، ماتحاولوش ترضوا أهلكوا لو ده مش هيرضيك، يعني إمشى ورا شغفك أنت مش ورا تحقيق حلم باباك اللى كان نفسه يكون دكتور ومجموعه ماجبلوش طب! فقرر يحقق أحلامه فيك أنت ويدمر شغفك وطموحك فى حاجة كان نفسك فيها مهما كانت هى إيه! كفاية إنك بتحبها حتى لو مش ديه طريق النجاح كفاية إنك هتبقى مبسوط وأنت بتعملها.

ماتخلوش أى شخص يرسم ملامح مستقبلكوا ولا حد يمنعكوا عن أى حاجة و بالذات لو باسم "الحب" وهنا كلامى للبنات، ماتخليش واحد أنانى يفرض رأيه عليكى أو يمنعك من السفر أو الشغل أو أى حاجة ممكن تبسطك باسم "الحب" والغيرة، لأنه فى الغالب مابيبقاش كدة وبتبقى عُقد الرجل الشرقى مش أكتر!

- إلعبوا رياضة، سن العشرينات ده من أحلى الفترات اللى ممكن تجرب فيها كل الألعاب وتعمل فيها أى شكل جسمك نفسك فيه سواء كنت ولد أو بنت، بلاش تضيعوا الفرصة ديه عشان ماتندموش فى سن التلاتينات وأنتوا طالعين، وجربوا إلعبوا رياضات مختلفة وجديدة وخطرة كمان وخوضوا التجربة.

عيشوا العشرينات صح و ماتستعجلوش على التخرج ولا على الإستقرار والشغل الروتينى ولا على أى حاجة غير الحاجات اللي هتبسطكوا

"It's Time to Go Wild"

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments