search

Writer

How do you feel about the article?

رمضان مش شهر الصيام

رمضان بيقرب والناس ابتدت تستعد .. كل واحد بيستعد بطريقته بس كله بيجهز .. يعني كل قناة عملت اعلانات رمضان واشترت كام مسلسل هتعرضهم وجهزت جدولها. و اللي في ثانويه عامه بيحاولوا يعملوا اللي متعملش في الشهور اللي فاتت عشان يعوضوا اي حاجه. واللي في جامعه مبيعملش اي حاجه عشان خلاص اتعود انه يزنق نفسه في اخر يوم بس يعني عنده احساس كده ان ضميره مش مرتاح بس برده مش بيذاكر (طبعا الكلام ده مش لاوائل الدفعه حبايبنا دول زمانهم خلصوا المناهج 7 مرات) واللي بيعمل اي مشروع في رمضان زي مثلا عربية فول او فوانيس او اي حاجه برده اكيد جهز حاجته .. الفكره بقى مش في كل دول .. الفكره في اللي بيحصل في الاماكن اللي بتبيع حاجات رمضان (ياميش رمضان والمكسرات والذي منه) سواء كان في Hyper market زي كارفور او حتى اي مكان صغير بيبيع الياميش والحاجات دي .. لو تشوف الاسعار والكميات اللي الناس بتشتريها هتستغرب ازاي الشعب ده المفروض انه شعب فقير !! مش بقول الناس متفرحش بس برده فيه منطق !! فيه حاجات مش اساسيه زي مثلا المكسرات (عين جمل بقى ولا اللوز ولا البندق) اللي حرفيا الكيلو منها ب 400 و 500 جنيه. وتلاقي اب وام شكلهم دخلهم متوسط وواقف يجيب بال3 و 4 كيلو ده غير باقي الطلبات ! يعني انا مثلا من كام يوم رحت كارفور في نص الاسبوع والساعه 12 تقريبا يعني المفروض كل الناس تكون في الشغل !! الطوابير مش طبيعيه والزحمه على حاجة رمضان واصله لاخر ال colidoor وكل الموجودين رجاله وستات شكلهم موظفين طب انتو ليه مش في الشغل !! طب انتو ايه الكميات اللي بتجيبوها دي !! طب ازاي بتعترضوا لما الخضار او المكرونه تغلى نص جنيه ورايحين تجيبوا عين جمل ولوز بالاسعار دي !! كمية التناقض اللي بشوفها في الشعب ده بقت اكتر من اني افهمها ! افرحوا برمضان وكلو حلويات وافرحوا .. بس اعقلوا اللي بتعملوه عشان فيه تصرفات (مبفهمهاش). ميار محب

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments