search

بنت اسمها نيللى

- كتبت سلمى فتحى القرش -

ظهور نيللي كريم في الكام سنة الأخيرة فى التليفزيون، عمل لها نقلة كبيرة جدًا فى مشوارها كممثلة بقينا بنستنى كل رمضان مسلسل نيللى كريم.. عشان نشوف هي هتعمل إيه؟ا يا ترى هتقدم جديد؟! يا ترى السنة دى أحلى، ولا السنة اللى فاتت؟!                                                                                                                                                                                                                      نيللي كريم كل سنة بتقدم حاجة جديدة عن السنة اللى قبلها؛ قد إيه هي عارفة تختار فعلًا الأدوار، وقد إيه هي حريصة أنها متكررش نفسها، وقد إيه هي بتفاجئنا بطاقة فظيعة منتوقعش أنها تطلع منها، أينعم كانت سايبة عندنا بصمة " الكآبة"، بس بالرغم من ده، مكنش فيه دور زى التانى خالص.

كانت البداية اللي عملت فرقعة في التليفزيون بالنسبة ليها في موسم رمضان، كان مسلسل"ذات"رمضان ٢٠١٣.. نيللى قدرت في المسلسل ده تطلع كمية تمثيل لا يوصف إلا بالاحترافية.. قدرت تمثل دور البنت اللى لسة فى ثانوية، وعايزة تدخل جامعة، وعندها طموح، قدرت تمثل دور البنت لما بتخاف من وسواس "العنوسة"، وإنها قبلت تتجوز"عبد المجيد أوف كورس"، قدرت كمان تمثل أم، وخوفها على ولادها، وبعد كدة دور الجدة.. إزاى قدرت تمثل كل المراحل العمرية بالبراعة دى! رمضان ٢٠١٤ مسلسل "سجن النسا" .. قدرت تمثل دور في قمة الواقعية في دور "غالية"، اللي كانت في قمة يأسها، وظروفها خلتها ترتكب جريمةً ما.

رمضان ٢٠١٥ مسلسل"تحت السيطرة" المسلسل ده ناقش أهم قضايا المجتمع في الفتره الأخيرة، وهى "الإدمان".. ظهرت فيه بدور المدمنة، اللى رجعت للإدمان بعد ما كانت متعافية، وده بسبب ظروفها الإجتماعية، وضعفها .. نيللى قدرت توصل لنا إيه هو إحساس المدمن، وإيه المراحل اللي بيمر بيها، وقد إيه شئ صعب أنك تتعافى.

رمضان ٢٠١٦ "سقوط حر".. وفيه عرفت نيللى كريم بكلام قليل، ويكاد يكون منعدم في أولى الحلقات أنها توصل لنا الاضطراب النفسى اللي هي فيه، واللى جواها؛ وده من خلال احترافيتها في التمثيل.

رمضان ٢٠١٧ "لأعلي سعر".. ظهرت نيللى في المسلسل ده بدور الست اللي بتتعرض للخيانة، وإزاي الخيانة دى غيرت لها حياتها وكمان شخصيتها، وإزاي كانت ضعيفة فى الأول، وخدت بعض القرارات الغلط، وإزاى اتحولت لست قوية قدرت أنها ترجع لحياتها الطبيعية تانى، ودى كانت مشكلة منتشرة جدًا في كتير من البيوت المصرية.

يا ترى نيللي كريم هتقدم إيه في مسلسل"اختفاء" رمضان ٢٠١٨؟!

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments