search

Writer

How do you feel about the article?

اتخرج دلوقتى؟ لا استنى شوية

- كتبت فرح فريد -

بقالنا كام يوم بنتفرج على صور مبهجة كدة لناس لابسين زى بعض وبدل وكرفتات وتيشرتات مكتوب عليها senior  دول بيتخرجوا، أكيد كلنا نفسنا نتخرج زيهم، في الواقع احنا من ساعة ما دخلنا الجامعة واحنا عايزين نتخرج.

قعدت اسأل نفسى"وانتي هتتخرجى امتى يا منيلة." بس مش دى المشكلة، المشكلة هنعمل ايه بعد ما نتخرج، دلوقتى علي الأقل اسمك طالب عارف بتعمل ايه بتروح الجامعة وتذاكر وبتتعامل مع ناس بتحبهم أو مبتحبهمش بس عارفهم كلهم على الاقل، طب لما نتخرج الناس دول هيروحوا فين ولا لما نتخرج هنعمل ايه.. هنشتغل؟ طب هنلاقي الشغل اللي احنا عايزينه؟ لو ملقناش الشغل اللي بندور عليه، هنرضى بأي شغلانة تانية و خلاص؟ و لو رضينا هنعرف نتاقلم مع الجو ده و الناس اللى منعرفهمش دول؟ وأنا بفكر حسيت الدنيا وسعت أوى منى واحترت فعلا يا ترى ايه اللى مستخبيلنا لما نتخرج.

 

كلمت صحابى المتخرجين قلت مابدهاش بقى، لقيتهم أجمعوا على أن الجامعة أحلى أيام حياتنا فعلا!! الجامعة بتعرف تخرج مع صحابك بتعرف تشترك فى أنشطة بتذاكر وقت ما انت عايز وتعيش حياتك وقت ما انت عايز يعني مُرفه، كل حاجة بتعملها بمزاجك، لكن الحياة بعد الجامعة والشغل صعبة معندكش رفاهية أنك تصحى من النوم تعبان فتقرر انك متروحش عندك الغياب والحضور بفلوس.

قد ايه محدش عاجبه حاله لما كنا في المدرسة كان نفسنا نتخرج و نروح الجامعة بعد ما رحنا الجامعة زهقنا وعايزين نتخرج حتى بعد ما نتخرج بنقول ولا يوم من أيام الجامعة اللى هى أصلا مش عجبانا دلوقتى! امتى هنرتاح وامتى هنلاقي أحلى أيام حياتنا بجد؟

الفكرة كلها انك تبقي راضي ومبسوط بحياتك زى ماهى وانك تعرف ترتب وقتك صح تعرف تذاكر وتخرج وتلعب وتاخد كورسات وتعيش حياتك عادى وانت عليك التزامات، ترتب أولوياتك لان الدنيا عمرها ما هتديك كل اللي انت عايزه وكل فترة فيها الكويس وفيها الوحش، فتستغل بقى وقت الجامعة ده علي قد ما نقدر عشان منندمش عليه بعدين.

دكتور أحمد خالد توفيق - رحمه الله - لما اتكلم عن الموضوع ده قال: "لا تقض حياتك بانتظار أن تنتهي الفترة كذا والفترة كذا.. ان تنتهي فترة الدراسة.. ان تنتهى فترة التجنيد...الخ، لسوف تجد أن حياتك صارت مجموعة من الفترات التي يجب أن تنتهى.. وتكتشف انك بلغت نهاية العمر دون أن تنعم بحياتك يومًا واحداً".

 

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments