search

Writer

How do you feel about the article?

دراع بلايستيشن

 - كتب محمد عصام -

جسمك هو دراعك وكل عضو من أعضاء جسمك زرار بتستخدمه لحاجة معينة، لو زرار اللى بيشوط فى الدراع بايظ عمرك ما هتعرف تجيب جول، و لو ايديك وعينيك مكنوش موجودين مكنش زمانك دلوقتى بتقرأ الكلام ده،قول الحمدلله ان دراعك لسة سليم زى ما هو مافيش زراير منه باظت، يمكن ساعات كتير دراعتنا بتهنج وجسمنا بيتعب بس من نعمة ربنا علينا أنه بيتعمله صيانة وبيرجع زى الأول.

أنت دلوقتى فى عز شبابك ودراعك فى أحسن حالاته، استغل ده متفضلش تقول أنا تعبان ومش قادر على الفاضى والمليان، لما انت أو أنتى فى شبابك بتقول كدة أمال لما تعدى سن الأربعين هتعمل ايه؟ اعتبر نفسك بتلعب ماتش بلايستيشن مع أصحابك وعلشان تكسب وتجيب أجوال لازم تستخدم كل الزراير لأن مافيش جول هيجيى بزرار واحد.

من الأخر .. بص للناس اللى فقدوا أعضاء من جسمهم ومعظم زرايرهم بايظة ومع ذلك مستسلموش للأوهام والخرافات أنهم ميقدروش يعملوا حاجة بالعكس دول لعبوا بالطريقة الصح أوى، دراعهم كان فيه زراير بايظة بس كان فى زراير شغالة وهما لعبوا على النقطة دى أنه ازاى يعرف يجيب جول (حلو) بأقل الإمكانيات الموجودة .

متبصش لواحد قاعد على القهوة عمال يهلك فى جسمه أكتر وأكتر، دايمًا بص للى عندوا إمكانيات وزراير أقل منك بس عرف ازاى يكسب و اتعلم منه، صدقنى ده الوقت المناسب علشان تحقق هدفك وتوصل لحلمك وحلمك مش هيتحقق وأنت نايم فى البيت، لازم دراعك هيهنج شوية بس تعالى على نفسك واستحمل ولما تحقق حلمك ساعتها هتحس انه ليه طعم تانى علشان تعبت و عرقت لما وصلت ليه.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments