search

Writer

How do you feel about the article?

"الكاظمين الغيظ"

- كتبت رنين أحمد -

كتير مننا بيقابله مواقف تضايق أو بيتعرض لتصرفات مزعجة من اللى حواليه حتي أقرب الناس ليه وبيواجه دا بالسكوت أو بيقابل التصرفات دى بصدر رحب وساعات بيجي على نفسه علشان زى ما بنقول "المركب تمشي"، أكيد الشخص ده عنده سلام نفسى وبيحاول يتجنب المشاكل مع اللى حواليه، بس في النهاية هو - بنى ادم - وأكيد بيجي له وقت وبيجيب أخره وبيحس نفسه مش قادر يستحمل كلمة زيادة وبتصعب عليه نفسه وممكن يلازمه إحساس الضعف وبيحاول يتكلم ويثور بس فى الأخر بيرجع لهدوءه وسكوته من تانى.

الشخص ده مش ضعيف، هو قادر يجيب حقه ويثور وينتقم بس هو قرر يسكت ويهدى من غضبه أو بمعني تاني "يكتم الغيظ اللي جواه"، ساعات بنشوفه كئيب وعابس وساعات بنشوف في عينيه نظرات حسرة وألم، بس هو مش كدا خالص، هو مختار طريق "الإحسان" وماشي فيه،  كل العلامات اللي بتظهر عليه بسبب سكوته تمنها حب الله والناس، الشخص ده بيتصنف من فئة الناس اللى ربنا اختصهم بحبه في الأية الكريمة "وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِين "، فاكيد ربنا قادر يجيبله حقه عن كل ألم اتحمله وكل عتاب كتمه وهيجازيه على سكوته وعفوه ده.

ياريت احنا كمان لو في حد في حياتنا بيعفو كتير ويكظم غيظه منزودهاش عليه، بلاش نسوق فيها ونقسي عليه، ولو في مشاكل نحلها بالتفاهم لأن اللي فاضل مهما كان لو طول فهو مش كتير ومش دايم ومش فاضل كتير نضيعه فى زعل وبُعد أو حاجات مش مستاهله، وياريت نخلى "العفو عند المقدرة " أسلوبنا في التعامل مع بعض أو بمعنى تانى "التغافل من اجل ابقاء الود" عشان حقيقي الدنيا مش مستاهلة.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments