search

Writer

How do you feel about the article?

الراقصة فى رمضان

- كتب ألاء حجازى ومحمد عصام -

"إدعاء الفضيلة" بقى أسلوب حياة كتير من المصريين ، نعمل كل حاجة براحتنا ونغلط بس فى السر ونيجي قُدام الناس ندعى الفضيلة ونحلل ونحرم على غيرنا اللي إحنا بنعمله و وكمان ممكن توصل البجاحه إننا بنحاسبه! وصل بينا الحال اننا نستغل التطور التكنولوجى ده فى إثبات ذلك وتكريسه.. ازاى بقى؟

من خلال اختيار الراقصة سما المصرى خوضها سباق البرامج الدينية خلال شهر رمضان، أيوة هى سما المصرى اللى فيديوهاتها مغرقة اليوتيوب وكلنا عارفين، وده تأكدلنا ببرومو البرنامج اللى كانت مفاجأة بالنسبة لينا، وإنه برنامج هيتعرض على القناة الخاصة بيها على اليوتيوب فى رمضان.

برنامج " أهل العلم " تقدمه الطاهرة الشيخة سما المصرى.. برنامج دينى عنوانه "فوق ذى كل علم عليم" و طبعا كلنا عارفين مافيش أعلم من الراقصة سما المصرى تقدم لينا البرنامج ده.. لأ مش بس كدة هى كمان بتقول فى البرومو "لا حياء فى الدين و لا حياء فى العلم" وهى بتقدم برنامج دينى بنص حجاب فى رمضان وانت المفروض تركز علشان تستفيد.. ومتستغربش لو لقيتها بتقولك "غض بصرك " فى البرنامج عادى.

سما معروفة بإنها بتتكلم في السياسة و معروفة إنها مش بيهمها حد و بتخبط في أي حد مش على هواها و طبعاً ده كان واضح أيام حُكم الإخوان المسلمين ، طب ياترى لما طلعت في فيديو و سألت الناس أنتوا خايفين أفضحكوا ولا إيه؟ كان قصدها مين؟ و ياترى البرنامج ده هيكون ديني و هناخد النصيحة الدينية من سما المصري على آخر الزمن ولا هي عاملاه عشان "تفضح" مُدعيين الفضيلة و الدين في البلد ديه؟ البلد اللي شعبها بسيط لدرجة إن كلمة الدين بتقنعه بأي حاجة حتى الموت، الشعب اللي أي حد عايز يوصل فيها لحاجة بيوصلها ب اسم الدين ، من زمان و هي مشكلاتها كتير مع أسامي كبيرة في البلد سواء كانت مُعلنة أو لأ، ياترى هي قررت تلعب معاهم بس بطريقتهم المرة ديه؟ لعبة سياسية بحتة مُدتها 30 يوم ؟

30 يوم من الإستخفاف بعقولنا و عقول كل المشاهدين عشان بس يلعبوا لعبة السياسة القذرة ديه ! ولا ممكن تكون عاملة البرنامج ده بالطريقة ديه عشان ترجع أيام شُهرتها و أمجادها، حتى لو الشهرة ديه هتجيبلها الشتيمة، بس كفاية إنها هتثير فضول الناس و هتعلي نسبة مشاهدتها زي ما الكتاب قال ..

و على العموم هانت ، كُلها كام يوم و رمضان يبدأ و نفهم هي ناوية على إيه ! طبعاً ماحدش كان يتمنى إن ديه المرحلة اللي نوصلها بعد السنين ديه في رمضان ، "لنا الله".

من الأخر احنا مش بنعيب فيها على قد ما احنا بتتريق عليها .. يعنى هى بتعمل برنامج دينى بس احنا هنشوفه برنامج كوميدى و هيبقى أحلى توك شو فى رمضان لحد ما يتثبت العكس.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments