search

رمضان من غير يوسف الشريف

- كتب فرح فريد -

من 7 سنين و هو بيشارك فى سباق مسلسلات رمضان بمسلسل محدش بيبقي فاهم حاجة من أول حلقة لحد الحلقة قبل الأخيرة، وعدد قليل بس من اللى بيتمتعوا بقدر كافى من الحظ اللى بيقدروا يفهموا المسلسل في أخر حلقة، بقاله 7 سنين مدوخنا معاه وللأسف هيغيب الفنان يوسف الشريف عن الماراثون الدرامى السنة دى.

يوسف الشريف اختار لنفسه اتجاه مختلف في أعماله الرمضانية عن باقى النجوم، دايمًا يفاجئ جمهوره بموضوعات غامضة ومش مفهومة وأحيانا مرعبة و بنهايات غير متوقعة تماما بداية من مسلسل "رقم مجهول" و بعدها "اسم مؤقت" مرورا بـ" الصياد" و" لعبة ابليس" وأخيراً " القيصر" و"كفر دلهاب"، والمشاهدين بيحاولوا طول شهر رمضان فك ألغازالمسلسل لكن مهما حاولوا مفيش فايدة، مسلسلاته جذبت قاعدة جماهيرية كبيرة بتستني أعماله كل سنة، وعلى الرغم من أن محدش كان بيفهم حاجة إلا أن مسلسلاته بتحقق أعلى نسبة مشاهدة.

خبر عدم مشاركة يوسف الشريف في السباق الرمضاني السنة دى أحزن جمهوره وهو كمان مفتقدهم جداً وكتب علي حسابه على "Twitter" إنه من 7 سنين  وفي نفس الوقت ده كان بيتابع رد فعل جمهوره على إعلان مسلسله، ويتلقى تعليقاتهم، لكن هذا العام فهو مفتقدهم جدا.

لكنه هيفاجيء جمهوره برجوعه للسينما بعد غياب 9 سنين و ده اللي خلاه ميقدمش مسلسل في رمضان انشغاله بفيلم " بني آدم" اللي هيقدمهولنا في عيد الفطر، واللي كتب الشريف عنه علي twitter: "اتقل تاخد شغل نضيف"، وادينا مستنيين الفيلم تأليف عمرو سمير عاطف وإخراج أحمد نادر جلال وتشارك في بطولته دينا الشربينى ومن إنتاج شركة "سينرجى" لمالكها تامر مرسى.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments