search

Writer

Tags

How do you feel about the article?

أنا عايز من ده يا حزمبول

- كتبت بسنت عبدالشافى -

دايمًا الموضوع لما بيبقى ميخصناش بيبقى وحش وفظيع وياى وازاى يا جماعة؟ ونقعد نتكلم كتير ونعيد ونزيد، وده بالظبط اللى حصل مع نادى الزمالك لما شاف حب وتشجيع وتطوع تركي آل الشيخ كفالة وتحكم وشراء علنى للنادى الأهلى، ومعذورين الصراحة الناس متعرفش حاجة عن صلاحيات الرئيس الشرفى، وتبقى نغمة الكفيل الجديد للأهلى والثرى العربى اللى جه ينغنغ الأهلى في عزه على الساحة، ونغمة ان تركي آل شيخ هو المتحكم في النادي وفي اللاعبين ومين يقعد ومين يمشي وكأن إدارة النادي وجهازه الفني مش موجودين وملهمش رأى أو وظيفة، مع ان سبحان الله يا اخي  صفقة النقاز كان فى الأصل تمويلها من تركى آل شيخ  وبوجود وموافقة وزير الرياضة خالد عبدالعزيز.. بس برضه تركى آل الشيخ وحش وممول للنادى ومتحكم فيه.

وحتى لما رجعنا للتاريخ ولما كنا بنسمع عن هدايا رجال الأعمال للاعبين الزمالك وتحفيزهم علشان يكسبوا، زى رجل الأعمال الشهير حسام أبو الفتوح وعلاقته بالكورة المعروفة، وكتيير من محبين النوادى من رجال أعمال سواء مصريين أو غيرهم للنوادى المختلفة والسعى وراء تمويل صفقات أو مكافأت لإشباع رغبتهم البحتة فى حبهم للنادى، بس مع تحويل كل حاجة للمادة حتى فن الكورة اللى ياما متعنا أصبحت كرة القدم  صناعة كبيرة وظهرت كلمات جديدة زى" الاحتراف" و"المشاريع" و"التسويق" وما شابه ذلك.

خلت ناس كتير تنسى عاطفة الانتماء البحتة اللي زى ما بتدفع مشجع بسيط يحوش تمن التذكرة ويجرى ورا ناديه فى كل حتة ممكن كمان يدفع مشجع ميختلفش كتير عن باقي المشجعين إلا انه رمز معروف ورجل أعمال شهير وده ميعيبوش في حاجة !

لحد هنا تمام .. بس المفاجأة الكبرى ان رئيس نادى الزمالك يقول: "لا انا عايز من ده يا حزمبول" ويروح لنفس الشخص ونفس رجل الأعمال ونفس الرئيس الشرفي للنادي الأهلي اللي كانت جماهيرك وأعضاء ناديك بيهاجموه واي بقى يديه رئاسة الزمالك الشرفية في موقف هزلى ومفتقر للكرياتيفتي ومريب وحاجة آخر اشمعنا انا مكولش من التورتة يعنى؟ هو الخطيب احسن مننى في ايه؟

ليرد الأخير في رد لائق وعبارات هادية ومؤدبة باعتذاره الشديد عن قبول هذ المنحة لسبب بسيط خالص تخيل ايه ؟! اننا مشجع للمنافس بتاعك معلش !!علشان تشتغل أغنية نجم الجيل تامر حسني الشهيرة " يانا يانا" في الخلفية وهو بيقول "قلبي مشغول بغيرك وبحب واحدة غيرك ..يمكن مش احلى منك لكن مالية عينيا".

وحقيقي مش هقدر اخفي عليكم المشهد اللي شغال بدقة في دماغي وهو عبارة عن مكتب كبير عريض مليان ورق وسبع شاشات كبيرة متعلقة متوصلة بسبع كمبيوترات وعدد لا يحصى من السديهات مرمي بيجلس مرتضى منصور وسطهم وهو بيحاول يلاقي سي دي لتركي آل شيخ فميلاقيش فيحبط ويطلع بتصريح "أصلا عادى".

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments