search

جروب توصيلة

- كتبت فاطمة عادل -

كتير مننا بل معظمنا بيشتكى من زحمة الشوارع وقلة المواصلات وانك توصل مشوار مياخدش أقل من ساعة فى ساعتين أصلاً، عشان كدة ظهر جروب اسمه "توصيلة" على فيس بوك بيسهل على الناس اللى مش معاها عربية إنها ممكن تركب مع أى حد معاه عربية رايح نفس المشوار كمان بتهدف لتقليل الزحمة شوية وإستهلاك البنزين.

الفكرة بدأت لما مجموعة من الأصحاب عملوا جروب عشان يعرفوا مين قريب من التانى وهيروحوا نفس الطريق بهدف إنتشال بعضهم من الزحمة، وبدأوا يضيفوا أصدقاءهم على الجروب، لغاية ما وصل أعضاء الجروب لأكتر من ٦ آلاف مشترك.

يبدأ الأدمن يتواصل معاك وأنت بتركب منين ورايح فين وبتصور صورة البطاقة ورخصة العربية قبل ما يضيفك على الجروب، وبيبدأ اللى رايح مشوار يكتب على الجروب هو مكانه فين ورايح فين وحالته معاه عربية أو لأ لحد ما شخص يرد عليه معاه عربية ورايح نفس مكان الشخص الآخر وأدمن الجروب بيوصلهم ببعض ويبدأ يتابع معاهم لأخر المشوار.

عمومًا هى فكرة جميلة جداً لأن الجروب ملهوش أى استفادة مادية كمان الناس اللي جربوها بيشكروا في الفكره جداً ودى حاجة إيجابية، بس ليها سلبيات بتتلخص فى إن مفيش أمان وحماية للناس اللى بتركب أو الناس اللى بتركب ناس غريبة عربيتها، وأعتقد مفيش أي بنت ممكن تركب مع أى حد غريب لأنها ببساطة هتخاف ومش هتبقى مطمنة على نفسها، ياريت يبقى فيه حماية أكثر من كدة عشان يفضل الجروب ده مستمر صح.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments