search

المتأثرين

- كتب محمد فاروق -

الإنسان بطبيعته بيتأثر بكل العوامل الخارجية المحيطة به - علوم رابعة إبتدائى - بس الانسان بالغ في الحوار ده الصراحة لحد ما بقي يتأثر بالافلام اللي بيتفرج عليها، يعني لو صاحبك مرة واحدة كدة لقيته بيسألك عن مكان بيعلم الفنون القتالية والكونغ فو، فاعرف انه لسة متفرج على فيلم أكشن وغالبا فيلم لـ"جيسون ستيتهم".

أما لو لقيته بيكلمك الساعة 3 الفجر - الفاجر - ويقولك جعان بس خايف يقوم يعمل أكل، أعرف أنه كان بيتفرج على فيلم رُعب، أما بقى لو لقيته "بيتموحن" كدة و"منحنح" في نفسه بقاله فترة وتلاقى "البوستس" كلها بتاعته رومانسية فهو اكيد لسه مخلص فيلم "the note book"  وهيقرفك بأغاني أدهم سليمان فترة من الزمن لحد ما يتفرج على نوع تاني من الأفلام.

لو لقيته عايش "موود" الكآبة وبيسألك أسئلة غريبة زى "كيف بدأ الخلق؟" و"احنا عايشين ليه؟" و"ليه يا دنيا الواحد بيقرب من ناس بيعاه؟" اعرف أنه مقضيها أفلام بتتكلم عن الوحدة والبؤس وكل ما هو يرفع الضغط للبني آدم، فخلى بالك منه الفترة دى أحسن ما ينط من الشباك.

بس في الغالب النوع ده من التأثر بيقعد فترة قليلة وبيختفى أو بيتغير حسب نوعية الفيلم اللي بعده، بس في الأخر لازم كلنا نحمد ربنا ان مفيش حد بيتأثر بالمسلسلات.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments