search

!عزيزي البدري الأهلي كبير عليك

- كتبت بسنت عبدالشافى -

حسام البدرى تلميذ مانويل جوزيه هل فعلا يستحق يكمل تدريب النادى؟

أنا مش من هواة المقارنة خالص، ولو مسكنا الورقة والقلم هنلاقى حسام البدري حقق بالفعل انجازات مع الأهلى، بس احنا كجمهور مبتخدعناش النتائج زى أى فرقة تانية وبيبقى ثبات الفرقة فى الملعب وطريقة اللعب ووجود المتعة والقدرة على اللعب تحت ضغط اهم حاجة عندنا ، حتى لما بيخسر الاهلي بس كان بيلعب برجولة بنخرج مبسوطين وطول ال90 دقيقة في الماتش بنبقى مصدقين ومؤمنين ان جول المكسب فعلا جاي

بس هل نفس الايمان ده موجود تحت قيادة البدرى؟  ببساطة لأ

مستوي الفرقة بيضعف والمتعة اللي احنا بنحبها بنفقدها؟ وده اللى يخلينا نطرح شوية أسئلة كده..

- ايه السبب يا ترى في إصراره وعنده الرهيب على اشراك لاعيبة اتفق الكوكب كله انهم في أسوء حالتهم و مش منتجين زي نيدفيد مثلا اللي ابتدينا نشك انه ماسك وصولات أمانة على الجهاز الفني

- فين الناشئين؟ طيب فين بديل عبد الله السعيد ؟ بعد ما اخدنا الدوري ليه مجربش اللاعيبة الجديدة والناشئين ودورعلى الجديد اللي ينفع ؟ ليه مُصر على نفس الطريقة اللي  انقرضت من السبعينات والاعتماد على لاعب واحد اللي هو "البلاي ماكر"؟ مع العلم ان الأهلي عمره ما اعتمد على لاعب واحد في لعبه ابدا!!

ليه الاصرار الرهيب انه يستبعد لاعيبة المفروض انهم يحصلوا على فرصة وياخدوا حساسية المباريات ويشاركوا بشكل اساسي لحد ما وصلهم لأمرين يا يطفشوا وده حقهم  و نخسّر النادي ملايين يا بيلعبوا وقت ما يحتاجهم بس بيكونوا مش في الفورمة فنخسر ماتشات وونقط ومباريات؟

ليه الاهانة المتعمدة الواضحة لرموز النادي الأهلي  زي غالي و متعب والاعتقاد  ان ده بيرفع من سلطاتك وهيمنتك داخل الفريق -قال يعني اضرب في المربوط يخاف السايب- ولولا تدخل الادارة في الوقت المناسب للحفاظ على مكانة الشخصيات دي كان الوضع بقى مزري!

في الواقع الدكتاتورية والعند وسياسة التطفيش والتكشيرة اللي مبنسلمش منها مبيعملش منك مدرب قوي ولا بيخليك زي الخواجة اللي انت في تصريحات كتير بتنكر فضله عليك .

ولا المرتب الخرافي اللي انت طالبه من الادارة ووفرتهولك فعلا هيخليك افضل مدرب فني في مصر او بيبقى دليل على مجودك اللي مش باين اصلا في الملعب، الحقيقة ان الاهلي منظومة كاملة اللي بيشتغل فيها مينفعش يفضل برستيجه وديكتاتوريته على مصلحة النادي وعلشان كدا بنقولك الأهلي كبير عليك

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments