search

منتخب متأهل لكأس العالم ولا تنجيد عروسة ؟

- كتبت بسنت عبدالشافى -

في تأملاتي لمشكلة صلاح مع إتحاد الكرة واللي فعلاً كما عبر عنها "غير راقية بالمرة" إلا إننا ممكن نبُصلها من جهة مختلفة شوية.. ليه أصلاً نحط صور لاعبين على الطيارة من الأساس؟ حضرتك افرض اللاعيبة دي اتصابت أو كوبر - بعد الشر يعني - غير وجهة نظره عنهم فى أخر اللحظات .. ليه الطيارة ميبقاش عليها رمزعام أصلاً زى رمز فرعوني أو رمز يدل على البلد بشعبها وأطيافها وجمهورها اللي مستني اللحظة دي  بقاله أكتر من 28 سنة !

علي حسب ما أعلنته الفيفا فالمفروض هيحصل كل منتخب يشارك في دور المجموعات على مبلغ 9.5 مليون دولار أمريكى، 1.5 مليون دولار منها نظير تكاليف الإعداد للبطولة، و8 مليون دولار نظير المشاركة فى الدور الأول يعني التكاليف متغطية وفي ربح زيادة كمان لإتحاد الكرة، وده يخليني أسأل ايه لازمة وضع شعار الرعاية على الطيارة لامؤاخذة؟  طيارة بتنقل المنتخب زى الطيارة الرئاسية ييتحطلها رعاية ليه؟! لا هى منتج ولا هي نافذة إعلامية ولا أنت حتى مزنوق في فلوس وشركة الرعاية هى اللي دفعاهم !

المشكلة إننا مش ناقصين مصممين أو شركات متخصصة في الحاجات دى ولا عندنا عجز في كفاءات تطلعلنا الحاجة بشكل محترم وكويس، بس الفهلوة واللف والدوران والاستخسار ورفضنا إننا ندى كل حاجة حقها بحجة التوفير بيخلينا نبان قدام الناس وقدام نفسنا اننا مُحدثين وهُبل وغرقانين في شبر مياه.

لوجيك التعامل مع المنتخب على إنه تنجيد عروسة في حي شعبي مش "منتخب دولة متأهل لكاس عالم ليه بروتكولات معينة ومظهر لائق لازم يظهر بيه" هو الأزمة الحقيقة وهو اللي بيوقعنا في كم المشاكل الرهيبة دي اللي كنا في غنى عنها أصلاً!

أنا متأكدة إن أزمة صلاح هتتحل في غضون أيام.. خصوصاً انه بيحظى باهتمام الجمهور اللي ممكن بكل بساطة يوقع ارباح شركة we ويخسرها، بس اللى انا متأكدة منه إن دى مش آخر مشكلة هتقابلنا طول ماحنا عايشين في نفس مياه البطيخ ومفيش حد ورانا يقولنا غلط و عيب!

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments