search

كل يبكى على "فارس"ـه

 - كتب أحمد نبيل -

دقايق بتمر ساعات بتعدى ويمكن شهور ووصلت لسنين، سنين بتعديها وانت فى طريقك لمحاولة انك تنسى أو تتناسى بس هتنسى ازاى اللى ضاع وراح منك ماهو مش لبيسة قلم ممكن تلاقيها فى درجك، اللى راح ده صاحبك اللى من كام شهر كنت معاه بتاخدوا دروس وبتهزروا مع بعض.

بتحاول تنسى وتتعايش بس فى حاجات بتخليك غصب عنك تفتكر، تفتكر كل لحظة حلوة قاسمتوها سوا، لحظات فرح كنتوا بترقصوا فيه سوا، تفتكر ساعة لعب كورة هو كان معاك وكام مره قولتله انت ملكش فيها وكام مره خرجت انت واصحابك من غيره، ودلوقتى بتتمنى لو تشوفه حتى صدفه فى الشارع علشان تاخده فى حضنك وتقوله انا مكنتش اعرف انى بحبك وانك هتوحشنى أوى كده.

بس خلاص هو راح لكن سابلنا ذكرياته تؤرقنا كل يوم وكل لحظة، حتى الأماكن اللى كانت بتجمعكوا سوى لمجرد انك شوفتها او حتى سمعت اسمها من حد، بترجع للذكريات تانى، الدنيا تلاهى بس محدش بينسى، لكن اللى بيبقى صعب أوى انه لما راح راح بسبب البحر.

ليه بقى اسوء حاجه علشان مافيش سنه هتعدى عليك الا لما تشوف البحر، حتى لو مش معاك فلوس تروح البحر هتلاقى نفسك بتروح حمام سباحة وهتفتكر، موضوع صعب ومحزن جداً على أى حد كان ليه علاقه بيه.

دلوقتى وبعد مرور فترة على الفراق، بيطل علينا زاب ثروت بأخر أغنية من ألبومه "المدينة" واللى بتجمعه بالفنان الرائع "أحمد شيبة" واللى اسمها "فارس"، وكعادة زاب ثروت فى عدد من أغانيه إنها بتبقى قصة قصيرة جداً بتحمل فى طياتها رسالة مهمة عاوز يوصلها للناس.

https://youtu.be/DJWyRs-8xlE

شخصيات القصة هم: (فارس، بحر، نبيل).. بتبدأ القصة بعلاقة أصحاب تكاد تقترب من الأخوات بين فارس ونبيل أما بحر فهو استعارة للمكان اللى جمع الصحاب ببعضهم من وهما لسه صغيرين، نبيل كان دايمًا الهادى العاقل الراسى، وفارس هو الشخص اللى كره حياته والظروف اللى حاوطته، لحد ما قرر الأخير إنه يسلك طريق الموت لعديد من الشاب وهو الهجرة غير الشرعية، وكمعظم الشباب اللى اختاروا الطريق ده كانت نهاية فى قارب صغير، طموح فارس مقدرش ينقذه.

الاغنية فى ساعتها الأولى بتحقق نسبة مشاهدة قاربت على الـ45 ألف وتستحق الصراحة أكتر من كده كمان، 45 الف مشاهدة معظمها كان مصحوب بدموع، دموع على كل فارس ضاع من وسط أهله وصحابه وراح البحر ومرجعش تانى.

شكراً زاب ثروت.. شكراً شيبة.. شكراً سارى هانى.. شكراً لكل حد شارك فى الكليب ده.. ورحم الله من رحل وترك لنا ذكرياته تحاوطنا ....

 

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments