search

شارموفرز في زي مسار إجباري

- كتبت رنين أحمد -

صعب أوى إحساس الفراق اللى بيحصل بين شخصين كانوا أقرب اتنين لبعض .. فاهمين وعارفين كل تفاصيل بعض، وبينهم عِشرة خصوصًا لو كان الشخص ده رتبنا معاه حياتنا وخططنا مستقبلنا بوجوده كشريك حياة؛ عشنا معاه كل لحظات ضعفنا، قوتنا، فرحنا، زعلنا. كل نفس كان بيشاركنا فيه، بس بتيجى لحظة، وتلاقينا بعدنا عن بعض من غير ما نعرف مين فينا السبب، بس كل اللي عارفينه إننا خلاص مش قادرين نكمل، مش هينفع خلاص نكمل.

ورغم البعد ده.. بيكون صعب ننسى بعض، ودايمًا بنشوف بعض في كل مكان وموقف مرينا بيه، وعلى طول واحشين بعض، وواحشنا كل أيامنا سوا، ما هو مش سهل أن أقرب حد ليك فجأة يبقى غريب عنك، وما تعرفش عنه حاجة.

وده اللي بيقدموا لينا شارموفرز فى كليب " مفتقد الحبيبة ": قصة الحب اللي انتهت بالفراق بعد كل الذكريات، والأيام الجميلة اللي اتعاشت، وكل التخطيطات اللي اللى اتبنت على وجودهم م بعض، جه وقت الفراق واللى غابت عنهم فيه مين اللى سبب الفراق ده، ويا ترى كان اختيارهم غلط من الأول، وكل اللي عاشوه دة وهم؟ وبعد كدة الندم على الفراق اللى كانت نتيجته إحساس الفقد، والاشتياق، والوحدة رغم وجود ناس كتير حواليهم.

الأغنية كانت على عكس توقعات كتير من جمهور شارموفرز اللي كان مستني يشوف شارموفرز بشكل جديد أقوى من اللي عودنا عليه، ودة عشان دايمًا كنا متعودين على الهلس من شارموفرز حتى لو أول الأغنية مش مفهوم وغامض، بس في الأخر، بيقدروا يوصلوا فكرتهم بفرفشة وسعادة، وانتهت الأغنية نهاية تقليدية خالص كلها نكد، كمان من الحاجات اللي ناس كتير استغربتها هي "ياسمين رئيس" واللى كانت موديل الكليب معاهم، وكانت واحدة من أسباب نجاح الكليب.

الأغنية كمجمل جميلة جدًا؛ المزيكا والأداء كله جميل، كمان شارموفرز قدروا يثبتوا أنهم يقدروا يخرجوا برة القالب بتاعهم؛ ونجحوا في دة، واثبتوا قدراتهم الفنية، بس هما أكيد أقوى من كدة، وعندهم أسلوب مختلف وحلو، وده اللي مخليهم مميزين عن باقى الباندات، بس لو جيت تسمع التراك دة هتحس شوية أنك بتسمع "مسار إجبارى" أو "أوتوستراد".. التغيير أكيد مطلوب، بس لما يكون للأقوى، بيكون أحسن.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments