search

لو بطلنا نحلم نموت

- كتبت أيه حبيب -

كلنا بنحلم ونفسنا نحقق اللي بنحلم بيه.. بنحلم بناس بنحبهم، بنحلم بحاجات كانت فى حياتنا زمان ونفسنا انها ترجعلنا، بنحلم نعيش الحياه اللى احنا عايزنها، بنحلم بوجود ناس افتقدناهم، بنحلم بحاجات كتير وبنستني انها تتحقق.

كانوا بيقولولنا زمان اللى عايز حاجه بيمسك فيها بايديه وسنانه، واللي عايز حاجه بيجري وراها..  بس احنا مفهمناش كده غير لما كبرنا وعرفنا اننا لازم نتعب علشان نوصل من غير ما نستسلم ولا مره واننا لازم نعافر علشان مافيش حد بيحقق اللي بيتمناه بسهوله.

بس في رأيى ان كلنا عندنا القدره اللى تخلينا نحقق ده بس مش كلنا عندنا الشجاعة اللي تخلينا نجازف علشان نحقق الحلم مهما كان صعب، احنا عارفين ومتأكدين إن مش كلنا بنحقق أحلامنا فى مننا اللى بيبقى محبط من حياته وخلاص فقد الأمل علشان حاجه فى حياته متحققتش، وفى مننا اللى مش بيأثر عليه اليأس والإحباط ده.

بس الأكيد بقي واللى لازم نتعلمه أن مهما كانت نتيجة التجربة لازم يبقي عندنا أمل، لازم نصبر، لازم منضعفش، لازم نبقي أقوى من أى حاجه تحاول تهد اللى اتبنى جوانا.

احنا منعرفش الحاجه اللي بنحلم بيها دي هتتحقق ولا لا بس لازم نتوقع الحالتين علشان منتصدمش لو اتحققت تبقي حاجه حلوه جدا ولو متحققتش تبقي حاجه حلوه أكتر لان أكيد في حاجه أحلى مستنيانا علشان ربنا دايمًا بيعملنا الأحسن وبيفرحنا اكتر، وما بين حلم بيتحقق وحلم مبيتحققش احنا دايمًا مستنيين، دايمًا عندنا أمل ان حلمنا فى يوم هيتحقق، وهنحس إن قد ايه الانتظار كان جميل.

 "لو بطلنا نحلم نموت لو عاندنا نقدر نفوت لو عدينا مرة خلاص لوردينا ضاعت خلاص ..حبة صبر حبة حماس يبقى الحلم صوره وصوت"

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments