search

يعني ايه الفانتازى ده؟

- كتب عبده درويش -

أنا اشتريت هارى كين.. أنا هخلى محمد صلاح الكابتن.. أنا هبيع فلان فى الفانتازى.. يعنى ايه الكلام ده؟

كتير مننا بيسمعوا الكلام ده ومش بيكونوا فاهمينه، دايماً هتلاقى شلة كده قاعدة بتكلم فى الموضوع ده وواحد قاعد بلح مش عارف أى حاجة، وبالذات البنات هتلاقيها قاعدة بتسمع ومش بعيد تفتكر أنه فيلم ولا حاجة، من فترة كنت قاعد مع ناس صحابى وكانوا بيتكلموا عن الفانتازى وأنا قاعد بحاول أجمع أى حاجة و مفيش لحد ما فهمت الدنيا، تعالوا بقا نعرف قصة الفانتازى عشان منكونش مش متابعين زى باسم مرسى.

فانتازى البريميرليج "الدورى الانجليزى" هى لعبة خيالية وبالمناسبة الفانتازى مش الدورى الأنجليزى بس موجود فى الدورى المصرى، بتختار 15 لاعب من كل فرق الدورى الانجليزى بميزانية حوالى 100 مليون تقريباً ويكون اختيارك من كل فريق 3 لاعيبين بحد أقصى، 11لاعب بيكونوا فى التشكيل الأساسى و4 احتياطى، لا يتم حساب نقاط اللاعبين الاحتياطيين إلا في حال عدم لعب واحد من الأساسيين، وهنفهم قصة النقاط دى قدام.

الكابتن

هتختار أحد اللاعبين عشان يكون كابتن للفريق بتاعك في الأسبوع ده مثلا، وبالتالى هيتضاعف نقاط اللاعب ده، في حالة لو ملعبش ولا دقيقة، فإن النقاط اللى هتتضاعف هتروح مباشرةً لنائب الكابتن واللى أنت بتختاره برده.. طب هختار فريقى ازاى؟ فريقك هيتكون من حارسى مرمى، خمسة مدافعين، خمسة لاعبين في الوسط، ثلاثة مهاجمين، وخلى بالك لازم يكون في فريقك الأساسي ثلاث مدافعين، لاعبي وسط، مهاجم على الأقل، مينفعش تلعب بعدد أقل من ده في كل الخطوط

التسجيل

هتدخل الموقع و هتسجل بياناتك و هيتعبت ليك رسالة تأكيدية على بريدك الالكترونى، بعد كده تختار فريقك بقا، مسمحولك بتغيير مجانى كل أسبوع لأي لاعب في فريقك، مع كل تغيير إضافي هيتم خصم أربع نقاط من رصيدك و ممكن ترحل.

استخدام التغيير المجاني لأسبوع واحد فقط و يبقا معاك تغييرين في الأسبوع اللى بعده.

النقاط

نيجى بقا للنقاط و دى من أهم قواعد اللعبة و بتتطابق بالشكل ده

المشاركة أقل من 60 دقيقة: نقطة واحدة

المشاركة 60 دقيقة أو أكثر: نقطتين

هدف حارس المرمى أو المدافع: 6 نقاط

هدف لاعب خط الوسط: 5 نقاط

هدف المهاجم: 4 نقاط

صناعة هدف: 3 نقاط

نظافة الشباك للحارس أو للمدافع:4 نقاط

نظافة الشباك من قبل لاعب خط وسط: نقطة واحدة

كل ثلاث تصديات من حارس المرمى يضاف نقطة لرصيده

تصدي ركلة جزاء من الحارس: 5 نقاط

إضاعته ركلة الجزاء: خصم نقطتين-

يتخصم نقطتين من المدافع أو حارس المرمى في حال استقبل فريقه هدفين

بطاقة صفراء: خصم نقطة واحدة-

-بطاقة حمراء: يتم خصم ثلاث نقاط

-الهدف العكسي: يتم خصم نقطتين

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments