search

Writer

Tags

How do you feel about the article?

جمهورية بولاق الدكرور

- كتبته آلاء حجازى -

صحينا يوم الإتنين على جملة "حق زين لازم يرجع" زين مين يا جماعة! حصل إيه طيب؟ حد يفهمنا و يقولنا التفاصيل! بس ياريتني ما عِرفت التفاصيل! ياريتني ما إتصدمت من "الغابة" اللي إحنا عايشين فيها.

زين العابدين شاب 28 سنة متجوز وعنده بنت وربنا رزقه بالولد ويوم الأحد - يوم الحادثة - كانت عقيقة إبنه، زين عايش فى "جمهورية" بولاق الدكرور المنطقة اللى ماشية بقوانينها وهى حكومة نفسها تقدروا تقولوا كدة "غابة" اللى عايز حقه بيجيبه بدراعه ولو بعد حين! الغابة اللي فيها الضعيف والطيب بيتاكل من القوى والفتوى!

5 ساعات متواصلة من الضرب و السحل و التعذيب و الإهانة اللفظية و الجسدية و في الآخر تنتهي بالقتل!

5 ساعات محدش قادر يوقف 10 بلطجية عن اللى بيعملوه أو حتى يبلغ البوليس!

5 ساعات وهما مخليين زين - كما ولدته أمه - وسط الجماهير اللي واقفة تصور والستات زوجات البلطجية المُبجلات وهما واقفين يزغرطوا!

5 ساعات زين كل همه وكل اللي بيقوله: "عندى عيال ... إبنى لسه ماتهنتش بيه ولا شبعت منه"!

5 ساعات استحملهم عشان كان دافع عن ولد صغير قريبهم لما إبن البلطجي قطعله إيديه!

القصة كلها بدأت من 4 سنين لما كانوا بيحاولوا يلبسوا زين قضية بسبب إن طلقة خرطوش جات في عين بنتهم و مابقتش بتشوف بالعين ديه، بس زين ماتعملوش محضر حتى لأنه كان فى المستشفى فى الوقت ده مع قريبه اللي قطعولوا إيديه!

مُتخيلين معايا المجزرة اللي هما عايشين فيها! وإنهم ماشيين بالدراع مش بالقانون ولا بالعقل حتى!

طب فين الحكومة وفين وزارة الداخلية اللى سامحين بكدة؟ اللى عارفين كل البلاوى ديه من سنين وعارفين كل البلطجية والفتوات دول بس سايبينهم! مش عشان هما مش قادرين عليهم ، لأ.. ده عشان للأسف بينهم مصالح.

مصالح بين الحكومة و البلطجية!؟  آه والله ، تخيل بقى! لما الحكومة اللي بتحمي 100 مليون سايبة حوالي مليون ولا إتنين كدة عشان بيجيبولهم الزتونة بتاعة منطقتهم ، يعني من الآخر "عيش و سيبني أعيش يا باشا!"

#حق_زين_هيرجع_بس_إزاى؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments