search

Writer

How do you feel about the article?

الصحاب فى أجازة

- كتبت فاطمة عادل -

كلنا عندنا صحاب كتير جداً فيه اللى مش قريبين مننا وفيه القريبين أوى اللى متقدرش تستغنى عنهم ودول اللى عنوان أى قعدة معاهم هو الضحك والهزار والتهييس، وكمان السعادة اللى بتطلع من قلبك علشان شايفه فرحان، ووجع قلبك والحزن اللي بيترسم على وشك فجأة لما حد يبقى فى أزمة أو مشكلة، باختصار شديد أنت حطيتهم فى مكانة اسمها حياتى كلها وبالدنيا ومافيها ومش عايز أى حد تانى.

تخيل بقى الصحاب دول اللى وقفت معاهم على المُرة قبل الحلوة تيجى تقع أنت فى مشكلة أو تبقى مخنوق ومحتاج حد منهم معاك ويقف جنبك فى محنتك وتطلب من إنهم يدعولك وإنك تعبان نفسياً جداً وفى الأخر متلاقيش منهم أى حاجة خالص.. ده بجد! آه والله زى ما بقولك كدة مش هتلاقى حد جانبك خالص ولا حد سأل ولا أهتم ولا قالك انت عامل ايه ولا ايه الجديد، ساعتها بتتصدم فى الصحاب اللى كنت مخلي ليهم مكانة فى قلبك كبيرة وإنهم أحلى وأغلى حاجة في حياتك.

خلاص الدنيا عرفتك الصحاب عاملة إزاى؟ المفروض بقى اللى حصل ده يعرفك إنك متستناش حاجة من حد ولا يكون ليه قيمة كبيرة فى حياتك كدة، كمان يعرفك إنك أحسن منهم بكتير وإنك كنت جنبهم وقت ما كانوا بيحتاجوك سواء فى الفرح او الحزن.

من الأخر اسند نفسك بنفسك، لما تبقى تعبان نفسياً عالج نفسك، لما تبقى فى مشكلة حل مشاكلك بنفسك علشان محدش هيخاف عليك ويحس بيك غير نفسك.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments