search

الصبر مش ابن ليلة

- كتبتها سلمى فتحى القرش -

ليه كل حاجة بتحصل في حياتنا لازم نقول عليها: "ليه؟!".. ليه مبنرضاش بالواقع ؟! ليه دايمًا رافضين اللي بيحصل، وساعات كمان نعترض عليه؟! اللي حصل لك حصل لك .. هتستفاد أيه لما تتعب نفسك، وتقول ليه حصل ده .. واشمعني حصل لي أنا .. وأنا مالي أصلًا !

كل حاجة بتحصل في حياتنا "نصيب".. كل حد فينا مكتوب قدره من قبل ما يتولد، كلنا منعرفش هيحصل لنا أيه، كتير مننا لو مدخلش الكلية اللى هو عايزها، يزعل، ويكتئب، وإزاى ده حصل، وليه ! وكتير مننا لو متقبلش في شغل معين، يقف، وميكملش، ويكون أول سؤال يقوله .. "ليه؟!"، حتى لما حد عزيز علينا بيموت.. بنقول اشمعني هو !

ربك كتب لك حياتك زى ما هو سبحانه شايفها.. متعترضش على نصيب، وقضاء ربنا .. كل ما يحصل حاجة سواء حلوة، أووحشة، برمج لسانك يقول "الحمد لله" يا أخى، الحمد لله دائمًا، وأبدًا.                                                                                                                                                                                                                                                                      اللي أنتَ معترض عليه في لحظتها ده .. هتنزل دموع الفرح عليه بعد كدة في سجودك، وهتقول ألف حمد وشكر عشان حصل كدة .. ألف حمد وشكر عشان مشتغلتش الشغل ده .. ألف حمد وشكر عشان مدخلتش الكلية دى .. ألف حمد وشكر عشان بعدت عن الناس دى، وربنا كشفهم لي على حقيقتهم .. لو عدينا هتحمد ربنا على أيه، ولا أيه مش هتكفى حياتنا.

عشان كده" الصبر".. كل الرسل اللي صبروا، ربنا عوضهم بخير أكتر .. كل اللى بيصبر على البلاء، ربنا بيكون شايل له خير كتير هو ميعرفوش، اصبر على بلاوى الدنيا، ربك عمره ما هيبعت لك شر، الخير دايمًا عنده؛ المطر دايمًا بعد الغيوم، والنجاح دايمًا بعد الفشل، والفرج دايمًا بعد الضيق، اصبر على بلوتك عشان تحس بطعم الفرج بعد كدة.

اصبر عشان ثقتك في ربك ملهاش حدود، وارضى بكل اللي بيتقسم؛ أصل المكتوب مكتوب مش هتغيره.. وأتأكد أنه دايمًا فيه حلو كتير مستنيك، بس أنتَ اصبر.

" النصيب .. الصبر .. الرضا "

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments