search

Writer

Tags

How do you feel about the article?

حق الاحتياج

- كتبت ألاء حجازى -

لو أنت/ي من الناس اللي اتعودت من الصِغر الإعتماد على النفس في كل حاجة ، من أول إنك تربط لنفسك الجزمة و تذاكر لوحدك لحد ما كبرت و بقيت تعتمد على نفسك في كل حاجة ف هتحس إنك كدة قوي و هتقول : "إيه ده الله أنا مش محتاج لحد في أي حاجة !" . يبقى أنت في أصعب مراحل حياتك ، آه والله أصعبها فعلاً ، إنك توصل لمرحلة إنك مش محتاج حد ف أنت كدة بتتنازل عن حق من أهم حقوقك في الدنيا و هو حق "الاحتياج"..

بدأت تتنازل عنه لما و أنت طفل مامتك قالتلك كُل لوحدك بالمعلقة و أُربط لنفسك الجزمة ، لما بقيت في إعدادي و بقيت بتذاكر لوحدك من غير مساعدة من باباك و أنت فرحان بقى و شايف إنك كبرت و بقيت بتتحمل مسئولية نفسك، لما كبرت و دخلت جامعة و بقى معظم يومك بتقضيه برة البيت ف بتتصرف و تأكل نفسك و لو حسيت بشوية تعب ممكن تروح لوحدك للدكتور و تاخد الأدوية لوحدك من غير ما حد يجري وراك بالدوا ، و لما تتخرج و تشتغل و ممكن تفكر تستقل و تعيش لوحدك و تعمل كل حاجة بنفسك و لنفسك من غير أي مساعدة من حد..

كل ديه تنازلات بتقدمها في حقك من غير ما تحس إنك بتيجي على قلبك و مشاعرك ، لأنك هتوصل لنقطة كدة أنت مش محتاج حد حرفياً يسندك أو يدعمك، مش محتاج حد يقولك برافو عليك اللي عملته ده صح، لأن أنت كل قراراتك من عقلك و أنت شايف إنها صح و مش محتاج حد يقولك كدة ، من الأخر مش هيفرق معاك ، و لو حد فكر يقرب منك ف أنت هتبعده حتى لو مش قاصد بس دايماً هتحسسه إنه مالوش لازمة في حياتك حتى لو بتحبه!

احتاجوا يا جماعة ، الاحتياج مش ضعف بالعكس والله ده قوة، أنت أقوى بأمك و أبوك و إخواتك اللي في ضهرك و سندك ، أنت أقوى ب حبيبتك/حبيبك اللي بكلمة منهم يقدروا يدولك motivation ، و حتى لو أنت مستقل بحياتك ده مايمنعش أنك تحتاج لناس حواليك يساعدوك و يقفوا جنبك لو حتى معنوياً بس.

الإحتياج ده من حقنا على نفسنا ف ماتحرموش نفسكو منه و ماتفتكروش أنكوا لما تحتاجوا لحد ف أنتوا كدة بتتذللوا أو بتتكسروا لأن ده غلط ، أنتوا أقوى ببعض بس المهم تعرف تختار الأشخاص اللي تتسند عليهم و تحتاجلهم و تبقى متأكد من حبهم ليك و معزتك عندهم.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments