search

أحمد فهمى.. فاضلك زلطة وتطلع برة

- كتبت بسنت عبدالشافى -

يعني مثلا لو حلفنا عالمصحف أن أمينة رزق كانت بتضحك عادى وان توفيق الدقن أطيب من اللبن الحليب وأن مصطفى شعبان مش فلاتى ولا حاجة ياخوننا تفتكر ممكن حد يصدق؟! فى و فى يعني هتلاقى اللى يقولك يا عم دى سينما وتمثيل وهما بس اللى ممثلين شاطرين.

بس لما نيجي عند الحاجات اللى تمس مشاعر الستات الموضوع بيختلف اختلاف تام.. ستات مصر وبناتها قلبوا في ثانية على براد بيت أبو عيون حلوة علشان قالوا بس إنه خان انجلينا جولي.. كرهوا مصطفى أبو حجر من غير ما يشوفوه وقرروا خلاص إن كل الرجالة زيه والموضوع مش قابل للنقاش.

الموضوع بدأ مع أحمد فهمى شوية في اختياره لأدواره فنبص على الأدوار دى نلاقى الحكاية بدأت بمسلسل "الميزان" المذيع الوسيم اللى بيخون أمانة صديقه صاحب القناة وبيدخل في علاقة مع بنته وبيتهم بقتلها بعدين.. ويتصعد الأمر فى مسلسل "أعلى سعر" اللى بيطلع فيه أحمد فهمي رجل خاين مقدرش تضحيات مراته واتجوز عليها صحبتها ويحصل على استهجان كل الناس والسوشيال ميديا وقتها.

لحد ما نوصل لـ"أنا الشهيرة.. أنا الخائن"ومع أحداث المسلسل بنشوف رؤوف وهو بيقرر يخون شهيرة من غير أى ذنب ليها وبتكمل الحكاية.. نيجى بقى نبص للناحية تانية نلاقي تصريحات أحمد فهمي في الاعلام مريبة حبتين يعني مثلا من نوعية "لازم الراجل يحط سقف للست مينفعش يسيبها تمرح".."أيوه أنا رجل شرقى" .."الراجل لازم يبقى أعلى من الست"  تصرح مراته في أوقات كتير أن غيرته كانت السبب في انها تبطل تشتغل ..وانه وقف قصاد انها تبقى مغنية "زيه" علشانى خايف عليها من الوسط.

https://www.youtube.com/watch?v=vuzcOh4DGFw

 والحقيقة الفنان بدأ يكون موقف عدائي من الستات اللى ابتدوا يحطوه مع مصطفى أبو حجر وبراد بيت و أحمد سعد و أحمد عز بكونهم غدارين شرقيين ظالمين لحقوق المرأة فى قائمة واحدة.. فخلي بالك يا نجم فاضلك تكة وتطلع برة وربنا ما يوريك قلبة ستات مصر.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments