search

كرة القدم الأمريكية المصرية

- كتبت ألاء حجازى -

بدأنا نشوف الفتة الأخيرة شباب كتير بدأوا يلعبوا "كرة القدم الأمريكية" وفعلاً إكتشفنا إن فيه فرق كتير فى مصر دلوقتى للرياضة دى، ومن 4 سنين قاموا بعمل دورى لكرة القدم الأمريكية، وفى سنة 2013 أسس "مؤمن نعيم" منتخب مصر لكرة القدم الأمريكية وحصل المنتخب على عضوية الإتحاد الدولى لكرة القدم الأمريكية،

هي على فكرة رياضة آمنة زيها زى أى رياضة تانية بس هي نسبة الإصابات فيها أعلى بحاجة بسيطة لأنها مُعتمدة على الإحتكاك بس مش أكتر، لأن إحنا فى مصر مُتخيلينها مصارعة حُرة.

هى قوانينها بس اللى صعبة شوية، وعدد اللعيبة في الفريق بيبقى كبير بيوصلوا لـ44 لاعب "22 هجوم" و" 22 دفاع" بس اللي بيبقوا فى أرض الملعب بس 11 من الهجوم لو الفريق التانى بيدافع، ولو الفريق التانى بيهاجم يبقى 11 لاعب دفاع، يعني ماينفعش الهجوم والدفاع يلعبوا مع بعض من نفس الفريق.

الماتش بيكون 60 دقيقة و متقسم لـ4 أشواط وكل شوط 15 دقيقة، و بين الشوط التانى والتالت بتبقى إستراحة مُدتها 20 دقيقة، وبدأ الدوري السنة دى يوم الجمعة 16 فبراير 2018، وبيشارك فى الدوري 700 لاعب ولاعبة بيمثلوا 8 فرق رجال و8 فرق سيدات.

آه على فكرة قولت فرق سيدات، فيه فى مصر بنات كتير بدأوا يلعبوا هما كمان كرة القدم الأمريكية ودخلوا الدورى، يعنى اللعبة مش مُقتصرة على الرجالة زى ما هى مش متصنفة كلعبة عنيفة، والفرق بين السيدات والرجالة فى اللعبة ديه هو فرق بسيط جداً بيتمثل في الـequipment لأن الرجالة بس هما اللى بيلعبوا بخوذ والمعدات وبيبقى اسم اللعبة ساعتها "Tackle"، إنما فريق السيدات ف بيلعبوا من غير أى مُعدات واللعبة بتتسمى ساعتها "Flag".

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments