search

way down we goالسينما المصرية بتغنى

كتبت - هايدى سامح -

تاريخ السينما المصرية عريق وجميل فعلاً بس يا عينى على الحلو لما تبهدلوا الأيام، السينما دلوقتى بقت حاجة ايه عنب تقليد على أصله مش بس أفلام لا كمان مسلسلات وإعلانات وبرامج، ده سببه ايه؟ مش عارفين،هل يمكن الإبداع اتقتل فى مصر؟ هل الأفكار خلصت؟ ولا يمكن مفيش مساحة وإمكانيات للأفكار الشابة الجديدة تطلع وتوصل؟!

السينما من بداية ظهورها فى العالم والناس حباها لدورها الكبير فى التأثيرعليهم، مش بس كدة السينما هى الأداة الأمثل للهروب من الواقع والأداة الأمثل للتعبير والإبداع، لأنك ببساطة بتسمع وتشوف وتحس، آخر قائمة اتعملت فى مصر عن أفضل 100 فيلم كانت سنة 1996 وكان أجدد فيلم فى القائمة هو فيلم "المهاجر" ليوسف شاهين وده كان سنة 1994، وكان النصيب الأكبر للأفلام فى القائمة من الخمسينات للثمانينيات.

مع دخول الألفينيات بدأت السينما تنزل فى مستواها وبدأت الأفلام تفقد معناها الحقيقى، بدأت تتجه السينما للترفيه أكثر،حتى تصل فى يومنا هذا إلى تجارة مش سينما، تلاقى الفيلم من غير قصة ولا هدف ولا رسالة ولا ناس بتعرف تمثل وإسمه فيلم نزل فى السينمات، بس ده مش معناه أن السينما المصرية كلها وحشة، فى مخرجين وممثلين عظماء بس قليلين جداً، لو اللى داخل فى المجال ده فاهم معنى و قيمة السينما الموضوع هيختلف كتير. السينما فن راقى محدش يقدر ينكر ده والهدف مش أن الفيلم يجيب أد أيه فلوس الهدف أن يبقى فيه رسالة توصل للجمهور تفيده أو تعلمه حاجة.

فين السينما بتاعت زمان بواقعية الحاضر؟ فين الإستعراض والموسيقى والرقص الراقى بتاع زمان؟ فين الأفكار والتخيل والإبداع؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments