search

Writer

How do you feel about the article?

مرحلة تقبل الآخر...فى زمن الإختلاف بزيادة

- كتبت هايدى سامح -

مختلف يعنى حاجتين مش زى بعض، مش متطابقين، مش فولة واتقسمت نُصين، مختلف يعنى مش لازم أكون شبه حد أو زى حد أو بعمل زى حد، مختلف فى كل حاجة خلقها ربنا مش معناه أن أى حد ليه الحق يُحكُم عليه،لأن الله أوجد الإختلاف عشان البشرية تبقى مُمتعة.

الأديان هى أكبر دليل على الإختلاف، الله واحد وده شىء متفق عليه، القرآن واحد وده بردو شى متفق عليه، بس داخل الدين كذا شخص فسر، وكذا مذهب إتوجد، وشيوخ وعلماء كتير بيشرحوا وكلهم مش بنفس المنهج فى التفكير، الإختلاف عظيم فى الأديان كلها على مر العصور لأن كل واحد عايز ينمى علاقة خاصة بينه وبين ربنا، ده مش معناه أن الشخص ده كافر أو ملحد.

الإختلاف مش بيجبرك تقتنع بالأشياء ولا بيفرض عليك تتعامل معها بشكل معين، بكل بساطة مش محتاج تكرهه أو تحطمه أو تأذيه، ومش محتاج تدعمه أو تأيده، مش محتاج تعمل حاجة أصلاً أنت مش عايز تعملها، يعنى مش محتاج كمان تقبله بس محتاج تقبل فكرة أنه مختلف، علشان بالفطرة إحنا مختلفين عن بعض فى حاجات كتير جداً ده لو مكنش فى كل حاجة.

يا ترى بقى فيه مختلف وفى مختلف بزيادة؟ هو الأمر نسبى زى ما كل حاجة فى عالمنا نسبية، بس هو لو نسبى فهو نسبى بالنسبة للشخص نفسه، يعنى تتقاس بمدى الإختلاف اللى أنت شفته فى حياتك، لو أنت شُفت أنواع وأشكال مختلفة من الناس والأشياء فالتقبل للإختلاف بالنسبة لك هيبقى أكبر من اللى مشافش حاجة فى حياته، حاول متستغربش أوى لو شُفت حاجة مختلفة وحاول أكتر مترفضهاش فى زمن الإختلاف فيه شىء معتاد.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments