search

تحدى الحوت الأزرق

- كتبت شذى أسامة -

من الطبيعى ان الالعاب بتبقى معمولة للترفيه والتسلية بس فكرة ان لعبة تتعمل وتتصمم وتتحط على الانترنت علشان تبقى هدفها "الانتحار" دى اللي غريبة و ظاهرة محتاجة تتفسر.

القصة كلها ابتدت لما طالب علم النفس الروسى فيليب بوديكين قرر يصمم اللعبة دى عشان ينظف المجتمع و يخلى الناس تنتحر!  وكمان اختار اسم "الحوت الأزرق" علشان ظاهرة الانتحار معروفة لدى حيتان الشاطئ، وبدأت اللعبة تنتشر بين المراهقين هناك وسُجلت أول حالة انتحار سنة ٢٠١٥، وفيه حالات انتحار في بلاد تانية كتير؛ زى البرازيل وروسيا وفرنسا، ووصلت للدول العربية ومنها السعودية والمغرب والجزائر وأخيراً مصر، واللى في الفترة الأخيرة سُجلت فيها كذا حالة انتحار كان سببها اللعبة دى، من أشهرهم انتحار نجل النائب السابق حمدى الفخرانى.

اللعبة بتتكون من ٥٠ challenge أولهم نحت حوت على الأيد باستخدام آلة حادة ولازم تبعت الصورة للمسئولين عن اللعبه وبعد التأكد من النحت اللى على ايدك، بيبعتولك انك كده دخلت اللعبة.

تاني حاجة انك تصحى الساعة ٤ ونص الفجر تتفرج على فيلم رعب، وفى مرة تانية يطلبوا منك انك تروح تقف على جسر بالليل، و من ضمن الطلبات الغريبة انك تقرا وترسم رموز شيطانية ومش مفهومة، والرسومات دى كانت عند كل اللى انتحروا بسبب اللعبة.

و فيه من ضمن التحديات انك تجرح حد بالسكينة، و سلسلة بقى من الـchallenges الغريبة لحد ماتوصل للتحدى الأخير، و هو انك تنتحر يإما تنط من فوق مبنى أو بالسكينة، ولو رفضت بيبدأ البرنامج يبعتلك رسائل تهديد وأنه يقدر يهدد عيلتك ويأذيهم من خلال المعلومات اللي اخترقها من الكمبيوتر بتاعك.

طبعاً الطالب دة اتقبض عليه واتحكم عليه بالحبس ٣ سنين، بس اللعبة لحد دلوقتى متاحة و محدش قادر يقفلها.

موضوعمرعب أوى انك من خلال لعبة تقدر تنهي حياة شخص و فيه ناس من فضولها بتبقى عايزة تكتشف اللعبة وتجرب خاصة بعد ما اتشهرت، بس صدقني دي بتبقى بداية اللعنة.

عالم التكنولوجيا والتطور الرهيب اللي وصلناله في كل حاجة دة بقي مفزع و يخوف اكتر ما هو مفيد ..

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments