search

Writer

How do you feel about the article?

فى دايرة الرحلة

- كتبت سلمى جلال -

كلنا بنمر بمراحل مختلفة فى حياتنا، وكل ما بنكبر كل ما الحياة بتتعقد والمشاغل بتزيد، بتحس ان حياتك بتوسع منك خلاص ومش عارف تلاحق عليها.. اللى هو مش عارف تلاقيها من الجامعة ولا الاسايمنتس اللى مفروض تتسلم ولا التدريب اللى ليه علاقة بمجال دراستك ولا الشغل ولا التمرين ولا المذاكرة ولا الصحيان بدرى ولا المواصلات، وفى وسط كل ده عندك ضغط من ناحية صحابك وأهلك اللي تقريبا اختفوا فى رتم حياتك السريع ده واللى هو بقيت حاسس انك أندل حد فى العالم وانك مبتشفش صحابك ولا تقعد مع أهلك زى زمان، وتقعد بقى تأنب نفسك واذا بيك تفتكر الحاجات اللى مفروض تعملها تانى وتتسحل معاها.

يا ترى انت فين من كل ده؟ فين حق نفسك عليك؟ هل أنت مستمتع بحياتك؟ مبسوط وانت بقيت زى التور فى الساقية كده؟ ايوة انت محتاج خبرات فى حياتك ومحتاج تجرب وتتعلم بس وبعدين؟ لما تلاقي كل اللي حواليك بعدو بسبب مشاغل الحياة وانك بقيت شبه الروبوت اللى بيعمل الحاجات اللى وراه من غير أى شغف انت كده زودت لنفسك كإنسان ايه؟

حقيقي أنا حاسة انى بوجه الكلام ده لنفسى، قبل ما الدنيا تاخدني أكتر ما هى من كل الحاجات والناس اللى بحبها غصب عنى، بس الواحد فى الفترة دى حاسس انه بيحاول يكتشف نفسه، يشوف هو بيحب ايه.. هيتميز فى ايه.. هيبقى ايه بعدين، بس يا ترى رحلة اكتشاف الذات دى ممكن تكون هى هى الرحلة اللى بتفقد فيها ذاتك بالتدريج؟

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments