search

صلة الرحم

- كتبته آلاء حجازى -

كُلنا أو معظمنا عندنا حد من أهلنا أو قرايبنا كل تعامُلنا معاه بيكون تحت مسمى "صلة الرحم" ممكن يبقى قريب من بعيد و ممكن من قريب أوي زى الأب أو الأم أو الأخوات أحياناً، كل واحد أكيد إتعرض فى حياته لموقف أو مشكلة خليته يبعد عن أهله كدة لدرجة إن كل صلتنا بالناس ديه أصبحت مكالمة تليفون فى المناسبات كـ"واجب" عليك مش أكتر.

ممكن المكالمة ديه تبقى تقيلة عليك أوى  وبتشيل همها أو قلقان تسمع كلمة ماتعجبكش أو أسلوب مش حلو، بس برضه بتيجي على نفسك و تقول "صلة الرحم"، اللى بتاعت جيلنا إحنا MODERN هو في الحقيقة ده مالوش أى علاقة بيها ، ربنا آمرنا بصلة الرحم وإننا مانقاطعش الناس ديه بس مكالمة التليفون ديه صلة رحم !

صلة الرحم تبقى بالود و الزيارة والإبتسامة و لو القريب ده غير مقتدر فتبقى بالمساعدات المالية والمعنوية، وعلى فكرة أنا مش بأفور ولا حاجة لأن ديه حاجة ذُكرت فى القرآن الكريم، قال الله تعالى: «وَاتَّقُوا اللَّهَ الَّذِي تَسائَلُونَ بِهِ وَ الْأَرْحامَ»، أكيد ربنا لما قال كدة فى كتابه الكريم ماكنش يُقصد المكالمة بتاعت كل عيد ديه !

حاولوا مع نفسكوا و حاولوا ماتبقوش مستنيين الأحسن من الناس، ابدأ أنت و خليك الأحسن دايماً حتى لو من غير مقابل، هما مش بيسألوا عليك؟ اسأل أنت و روحلوهم، ياريت نُنشر ثقافة الود بينا شوية و أولى الناس بالود ده هما قرايبنا اللي الظروف للأسف كانت سبب في إننا نبعد عنهم.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments