search

الرقص على إيقاع الديمقراطية

- كتبت فاطمة عادل -

طبعًا احنا فى يومين انتخابات وكل سنة وانت طيب، وفى ظاهرة غريبة بنعملها احنا كمصريين فى الانتخابات دى، هى ممكن تكون تعبير عن الفرحة بس هى أڤورت شوية وهى ان الستات اللى بتنتخب دى بتطلع من اللجنة ترقص وتزغرط.

بس المرة دى مش "الستات الكبيرة" بس اللى كانت بترقص لا ده كمان "البنات كمان !"  اه بنات والله،  اللى كل يوم بيزداد لهم فيدوهات الرقص أكتر من اليوم اللى قبله، بس بعيدا عن ان الرجالة كمان بترقص بس ماشاء الله البنات بتفرج مصر كلها على موهبتها - ولا كأنها حنة شيماء اختها واحنا منعرفش.

بس هو انتى كده مبسوطة فعلا باللى بتعمليه ده؟! شايفين ان كده انتوا حلوين أوى، وبتعرفو تفرحوا بالانتخابات بالاسلوب السخيف ده، حقيقى مش شايفين ان كده انتوا جايبين لنفسكوا ولينا قله القيمة، مش شايفين ان العالم كله بيتابع الأحداث اللى بتحصل هنا ومنها الفرح اللى انتوا عاملينه ده.

عموما احنا شعب اصلا بيحب الزيطة أوى بس أرجو اننا نرتقى شوية من الأسلوب البشع ده ونفكر بأسلوب حضارى أكتر من كده، علشان فعلا انتوا مش لوحدكم فى البلد، فى ناس معاكم ومتقبلش الأرف اللى بيحصل ده.....  "ارحموووونا"

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments