search

مشوار

- كتبت سلمى فتحى القرش -

متولدش فى بوقه معلقة دهب، أتهجر هو وعيلته من أسوان، قابل حاجات صعبه كتير زينا كلنا.. بس كل ده موقفش في طريق حلمه، مسك فى الفرصه وأدرك ان "لو غاب قمر مليون قمر طالع"،  ولحد دلوقتي لسه بيجرى و يعافر وكمان بـ"يعلى صوته بالغنا".. محمد منير اللى لايق عليه فعلا كلمة "حدوته مصرية".

هو حدوته علشان مفيش شك إنه دخل قلبنا بصوته وطريقة غناه ووقفته على المسرح وكمان مسكته للميكروفون، منير بيطلع فى حفلاته ساعات "حافى"  مش محتاج يلبس غالى ولا يتمنظر.. علشان هو "كينج" من غير حاجه.

أغانيه فيها خلطة سحرية غريبة بس حلوه، قدر يوصلنا فعلا سحر المغنى؛ مسابش حاجه حصلت أو بتحصل أو هتحصل فى حياتنا إلا وغنى عنها، صوته بيخليك قادر متخليش حاجه توقفك، مبيغنيش شوية كلام مع لحن حلو و خلاص.. لا كل أغنية بيبقى وراها قضية كبيرة زي العنصرية لما غنى "افتح قلبك" وقضية فلسطين والقدس لما غنى "شجر الليمون" و"القدس"و كمان أمريكا لما غنى"ابن ماريكا".

هو حدوته مصريه عشان مصر كانت حبيبته الأولى لما غنالها "ياعروسة النيل".

منير أكدلنا ان الليل لو طول هيعدى؛ علمنا نقف ورا حلمنا ونمسك في أبوه عشان في حياتنا لسه كتير فى (مشوار) الأمل..الطموح .. النجاح.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments