search

سمكة التونة العنيدة

كتب محمد فاروق

"كُن سمكة التونة العنيدة"

طبعًا أول ما تسمع كلمة سمكة التونة العنيدة، هتفتكر برنامج صيد سمك التونة على قناة ناشيونال جيوغارفيك، بس للأسف الكلام ده مالوش أدنى علاقة بالبرنامج دة

أغلبنا لما بيحط هدف قدامه وبيبدأ فى السعى وراه، بنوصل لمرحلة كدة فى نص الطريق، ملامح الهدف لسه ماظهرتش فبتبقى متردد أتراجع ولا أكمل طب أكمل ليه أنا بذلت مجهود بس لحد دلوقتى مافيش نتيجة مرضية هل كدة أنا فشلت؟

كل دى أسئلة بتبدأ تسأل نفسك بيها فى المرحلة دى، ودى بتبقى أصعب مرحلة ممكن تمر بيها لو انت بتسعى لشىء وعايز تحققه، البعض بيطلق على المرحلة دى مرحلة عنق الزجاجة بمعنى إنك لسة محشور فى الزجاجة بس فى بصيص أمل انك تعدى منها وتوصل لهدفك وربنا يكفيكم شر حشرة الزجاجة.

المطلوب منك عشان تعدى المرحلة دى إنك تكون سمكة تونة - أيوة زى مابقولك كدة سمكة تونة عنيدة -  زى ما سمكة التونة بتعافر ضد اللى بيصطادها عشان تنقذ نفسها عافر انت كمان عشان توصل.

لو انت واثق من اللى بتعمله ليه ماتحاربش علشانه وتكمل الطريق، حبة مجهود زيادة هتبذله بس أكيد النتيجة هتنسيك التعب، وخليك فاكر ان زى ما كان فى سمكة تونة عنيدة كان فى برضه صياد أعند من سمكة التونة العنيدة حط دماغه بدماغ حبة سمك تونة عنيد واصطادهم.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments