search

سمعنا مزيكتك

 كتبت رنين أحمد

معظمنا الأيام دى لو مكناش كلنا بنحب الحاجات الجديدة والغريبة وخصوصا فى المزيكا، بقينا بنميل أكتر للمزيكا  المطرقعه واللى بتعبر عننا باسلوب جديد، أو بمعنى تانى المزيكا اللى بتتكلم لغتنا كشباب واللى مش أى حد بيسمعها ويقدرها "الاندر جراوند".

وفى فرق كتير الأيام دى عندها الموهبة بس محتاجة اللى يفتحلها طريق الشهرة ويوصل صوتها للناس، وده اللى عملته اتصالات فى "اتصالات باتل اوف ذا باندز" عشان الفرق دى تقدر توصل صوتها وتسمع مزيكتها وكمان دعمتهم أكتر بانها عملت دعاوى مجانية وطبعا كان الاقبال عليها كبير جدا.

بدأت المسابقة بأن كل فرقة بعتت فيديو مدته دقيقة بتعرض فيه موهبتها, بشرط انه يكون فريق كله مصريين وكل شخص ليه حق الاشتراك مع فرقة واحدة بس، وبعدين الحكام اختاروا 12 فريق يشاركوا في المرحلة التانية واللي بيواجهوا فيها بعض قدام الجمهور على المسرح واللى بتأهلهم للنصف نهائى.

وبالفعل بدأت تصفيات الجولة الأولى يوم الجمعه 9 مارس فى حديقة الحرية وبدعم من "شارموفرز" اللي ولعوا الحفلة وطبعا معاهم باند " كود مصر " الفائز بلقب الموسم الاول. فاز فريق "كوكب" من ضمن اربع فرق وحجز مكانه في النصف نهائى.

واشتدت المنافسه أكتر بين تانى أربع فرق فى الأسبوع التانى على التوالى وبحضور اكتر الباندات شعبية واللى أغانيهم مبيختلفش عليها اتنين " مسار اجبارى"، قدر فريق " تونات " أنه يفوز ويتأهل للنصف نهائى.

وبعد الجولة التالته والاخيرة اللي مكانش ينفع تكمل من غير دعم وتشريف سفيرة الغناء العربى "غالية بن على"، وبفوز فريق "كاريزما" تكون انتهت المرحلة التانية وتشتد المنافسه بين التلات فرق، بس اللى مش متوقع أن اتصالات فتحت باب التصويت من تانى للتسع فرق اللي خرجوا من المنافسه وبتديهم فرصة تانيه عشان يتأهلوا للنصف نهائيات وصوت الجمهور فيها هيكون هو الحكم , اكيد المسرح هيولع بين الاربع فرق، بس ياترى مين هيقدر يثبت وجوده يوم 6 ابريل فى النصف نهائى ويكمل للاخر ويفوز باللقب !

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments