search

العِند السياسى

كتبته آلاء حجازى

ياترى ده عِند مع الدولة ولا مع الجيش ولا مع الحكومة؟ حتى لو معاهم كُلهم فالشعب هو اللى بيدفع الثمن ، ثمن الإرهاب اللى دخل بيوتنا بسبب فقر الفكر السياسى عند شباب كتير أوى فى مُجتمعنا، الشباب ده هو اللى بقى بيصدق أى كلمة تتقاله، هو اللى بيضحك عليه تحت كلمة " الله والدين"، مع ان الله والدين مقالوش اننا نقتل حد.

طب ذنب الشباب ده فى رقبة مين؟ الشباب الفقراء فكرياً و سياسياً و حتى دينياً، مجرد إنه يصدق إنه لما يقتل و يغتال مدنيين و سيدات و أطفال و مُسنين و ناس مالهاش أى ذنب غير إن حظها الوحش خلاها فى مكان يحصل فيه ضرب أو إنفجارات.

زى إمبارح مرة واحدة كدة لقيناهم بيقولوا فيه إنفجار في إسكندرية.

انفجار ايه وليه؟، قالك محاولة لإغتيال مدير أمن الإسكندرية!

حاجة مُتوقعة بما إننا داخلين على الإنتخابات خلاص و محاولة صريحة للتهديد و زعزعة الأمن ونشر الخوف وسط الناس.

عبوة ناسفة وزنها وصل ل 10 كيلو محطوطة تحت عربية قدام فندق توليب فى شارع المعسكر الرومانى، تنفجر وينتج عن ده إصابات ل3 مدنيين، و استشهاد "على جلال أحمد شبانة" مساعد شرطة، و المجند "عبدالله محمد عبدالله" البالغ من العمر 19 عاماً!

شاب غلبان لسه طالع من مرحلة المراهقة لسة ماشافش دنيا ولا لِحق يعيش، اُستُشهد بسبب التخلف الفكرى والسياسى والعناد و الصراع اللى مش مفهومله بداية ولا نهاية ولا حتى سبب !

هما مستخصرين يشوفوا المصريين عايشين فترة فى أمان من غير حداد و من غير جنازات عسكرية ! بس المرة ديه الشعب قرر مايسبلهُمش الفرصة ديه ، بعد الإنفجار بساعات قليلة لقينا فيه مظاهرات في الشارع اللى حصل فيه الإنفجار بتقول #هننزل_الإنتخابات ، استغربت أوى من رد الفعل ده بس لما نفكر فيها شوية هنلاقي إن الشعب المصرى بقى عنده وعى و فاهم إن ديه مجرد محاولات فاشلة و مابقيتش بتقصر فينا، بس فى الحقيقة هى بتأثر فى بيت كل شهيد، كل أب أو أخ أو ابن أو زوج أو حبيب أهلهم خسروهم و نقصوا من بيوت كتير أوى ، عندهم ضلع اتكسر و حتة نقصت من كل بيت.

ياترى هنفضل في حالة الجهل السياسي ديه لحد امتى؟ و لحد امتى مش هيبقى فيه توعية لولادنا و شبابنا عشان مش أى حد يقولنا كلمة باسم الدين أو باسم الله نسمع الكلام و ننفذه "سمعاً و طاعة".

لازم شبابنا يعرفوا إنهم أحرار و مش من حق أى حد يتحكم في تفكيره أو عقله أو جسده إنه يخليه يضحى بيه عشان خاطر هما اللى يستفادوا!

-أنتم أحرار-

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments