search

كفاية بقى يا شلبوكا

كتب عبده درويش

"بص كريستانو الغل اللى هو فيه، سبعتنا لقطها، كريستيانو يقولك محمد صلاح يجيب وانا مجبش، مليش دعوة هي أوفسايد وخلاص، ياأبو خالد ازيك".. دى حبة صغيرة من افيهات مدحت شلبى على ماتش مصر والبرتغال، احنا عمومًا جالنا الضغط فى الماتش ده مرة عشان جونين كريستيانو بعد ماكنا خالص هنكسب، ومرة عشان افيهات مدحت شلبى اللى كفيلة تخرج أى حد عن شعوره.

احنا بنحب صلاح طبعا مفيش كلام،بس أنا راضى بزمتكم كريستانو رونالدو بكل اللى بيعمله و هيغل من منتخبنا ليه،بامأرة ايه طب؟..سيبك من دى بس الحقيقة مدحت شلبى بنشوف منه كمية هبد غير طبيعية، يعنى مثلا أى معلق تلاقيه مركز فى الماتش، طريقة اللعب أو تبديلات المدربين، شلبوكا بسيب كل ده و يقولنا افيهات تفصلك عن الماتش.. وعن الحياة كلها أحيانا.

عموما ضعف مدرسة التعليق فى مصر سبب وجود مدحت شلبى الفترة دى على قمة تعليق المباريات فى مصر زى مباريات المنتخب والقمة بين الأهلى والزمالك، حاليا مفيش غير أيمن الكاشف اللى ممكن نقول أن شعبيته فى ارتفاع دايما، لكن الحقيقة لسه محتاجين لوجوه جديدة تبتدى تقضى على سيطرة شلبوكا المطلقة.

https://www.youtube.com/watch?v=WtQfyEnPbqA

مدرسة شلبى، واللى أعتقد أن مفيش حد فى العالم بيمشى بيها، بتعتمد على الأفيه اللى يشد الناس، المشكلة أن بيكون فى مليون ايفيه واحد منهم بس اللى ممكن نقول عليه حلو، وطبعًا أنت مضطر تكمل الماتش لأن مفيش قناة تانية هتجيب الماتش فتتفرج ياعينى و أنت قرفان.

التعليق المصرى فى خطر ياخوانا، مش هنكر أن شلبوكا برضه بيدى طعم للماتش زى البهارات اللى بتتحط على أكلة حلوة، بس البهارات لما بتزيد بتبوظ الأكلة كلها، فرفقا بينا يا شلبوكا شوية.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments