search

Writer

How do you feel about the article?

اهلاً بالزهور والربيع

كتبت رنين أحمد

هلت بشاير الربيع من تاني مع "معرض الزهور" واللي افتتحه دكتور عبدالمنعم البنا وزيرالزراعة واستصلاح الاراضي  وكان الافتتاح مليان اغاني وطنية زي "تسلم الايادي,بشرة خير,قالوا ايه,وياحبيبتي يامصر.. " واغاني تانيه كتيرعملت اجواء احتفالية عالية.

هيستمر المعرض 45 يوم من 10 مارس ل 25 ابريل وهيكون مفتوح كل يوم من الساعه 9 الصبح ل 9 بليل وبسعر خيالي 2 جنيه للفرد الواحد و20 للعربية, بس الغريب والكوميدي شوية في الموضوع ان رسوم دخول الكاميرا 50 جنيه !

المعرض من اهم المعارض في مصر علي المستوي المحلي وكمان الدولي ودا لانه بيضم اكتر من 600 نوع من النباتات النادرة والاشجار المعمرة وكمان بيضم عروض لشركات بتمثل تعاون عربي و دولي.

قد ايه المعرض دا مبهج وممتع وفرصة كبيرة للناس اللي بتحب الزهور والاشجار واللي بيهتموا بمعرفة نتيجة الابحاث العلمية في مجال انتاج الزهور وكمان للناس اللي بتحب تزين بيتوها بالوان الطبيعه.

ومن ناحية تانيه فهو فرصة اكبر لمهووسيين التصوير اللي بيبحبوا يتصوروا في وسط المناظر الطبيعية والالوان ,وكمان هو فسحة بسيطة في متناول الجميع للناس اللي بيحبوا يغيروا جو.

وكمان فرصة للي كانت "عايزة ورد يا ابراهيم" اهو الورد كله جالك .

المعرض موجود في حديقة الاورمان في الجيزة واللي ليها بوابة قدام جامعة القاهرة وبوابة من شارع الدقي وبوابة قدام حديقة الحيوانات , واقرب محطة مترو ليها هي محطة جامعة القاهرة.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments