search

المصرى و الإمتحان

كتبت هايدى سامح

المصرى بتربطه علاقة غريبة مع أى إمتحان بيقابله، لى صديقة أمريكية كل ما أكلمها وأقولها "عندى إمتحان ومذاكرتش حاجة"، ترد وهى مستغربة جداً من إن ازاى عندى إمتحان ومش مذاكرة حاجة وبضحك.. أصلها مش فاهمة بيتعمل فينا ايه هنا.

من الأول كده بتدرس حاجات مش بتحبها فى المدرسة وانت صغير، تكبر شوية لازم تختار علمى ولا أدبى، طيب ما انا مثلاً بحب العلمى بس كمان بحب الفلسفة والتاريخ، بس لا يا حبيبى مينفعش لازم تختار.. و ده طبعاً ظلم بس "السيستم" يا ابنى مينفعش تغيره.. بتضطر تختار أكيد وتفضل سنة تدرس فى حاجة أنت مش عايزها ومش حاببها، وتدخل الإمتحان ترمى كل اللى تعرفه عن المادة فى الورقة اللى قدامك وتخرج من الإمتحان وفى خلال أيام  معدودة بتكون نسيت كل حاجة الحمد لله.

تقول بقى الأمل فى الجامعة، الحرية  بقى يا ناس، هاعيش براحتى وأعمل اللى أنا عايزه، وأهم حاجة بقى "هختار" أدخل كلية ايه، بس ده طبعاً للناس اللى جابت مجموع حلو فى تالتة ثانوى غير كده "انسى يا بابا"، عيش مقهور عادى طول حياتك عشان درست حاجة بتكرهها ففشلت ومعرفتش تجيب مجموع.

إخترت الكلية وبدأت دراسة.. ايه ده هى دى الجامعة! الصدمة بتبدأ مع دكاترة الكلية، "هما بيقولوا اييييييه أنا مش فاهم حاجة...خالص!"، غير طبعاً ان فيهم أنواع مثلاً معديين السبعين وفى اللى عايزة "تخلص بسرعة عشان تلحق تعمل لولادها الغدا" واللى لسة واخد الدكتوراه بيبقى بورقته كدة لسة جديد وفى الدكتور اللى تستنى محاضرته كل أسبوع وبتتمنى تشوفه وتسمعه كل يوم.

الحقيقة إن مفيش وصف محدد لإمتحانات الجامعة لأنها بتبقى على مزاج الدكتور وبتبقى أنت نفسك على مزاج الدكتور - ذل يا سادة ذل - احنا مش بنضحك من فراغ، احنا بنضحك عشان لو ركزنا فى تفاصيل حياتنا كمصريين مش هنعرف نكمل.

بنضحك على المأساة لأن الواقع لا مفر منه

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments