search

سعادة ايه.. انت عبيط يالا

كتب محمد تركى

بيقولك يحتفل العالم كل عام في يوم ٢٠ مارس باليوم العالمي للسعادة، طبعا دى منتهي البجاحة وقلة الذوق من العالم انهم يعملوا يوم للسعادة دون أدنى احترام للبؤساء والمكتئبين والحزانى.

كابتن ياللى بتسأل يعنى ايه سعادة، ايوه انت اللى بتقرأ الكلام ده..

بص يا سيدي دى - استغفر الله العظيم - بعيد عنك يعني فرحة ايوة استغفر ياخويا استغفر، انه لعجب عجاب والله العظيم تلاتة علي اللامبالاة اللى عند بتوع السعادة دول، فكيف يفرحون والأقصي أسير، وكيف يطيب لهم العيش والانسان بيقتل اخوه الانسان علشان لون ولا دين ولا جنسية ولا قومية ولا حتي دوره في طابور العيش، ازاى يفرحوا وفى أغانى تامر عاشور ومحمد محى وشيرين اه يا ليل.

والغريبة يا جدع ان الاحتفال بالسعادة ده متوقفش على الفرنجة الملاعين، لا ده بيقولك الامارات بتحتفل باليوم ده وفرحانين بيها أوى كدولة عايشة وسط بؤرة العفن فى العالم يعنى وقادرة تبقي فرحانة وكده، أيوة اقصد المنطقة بتاعتنا دى منطقة لبط وكلها خناقات ومشاكل، المهم ان على مقربة من الإمارات السوريين يا عيني طافحين الدم ، والفلسطنيين متشردين، والعراقيين بينزلو يجيبوا كيلو قوطة يتفجرو، والليبيين اتدهور حالهم، والقارة السمراء مش لاقيين ياكلوا، ومصر زي الفل طبعا تحيا مصر ٣ مرات، والاوربيين بيتفجرو وبيعنصرو علي بعض وبيعنصرو على العالم، وترامب بيكره نفسه والناس، والولا الاهبل بتاع كوريا مصمم يحلق شعره كابوريا واحنا في ٢٠١٨ ، والناس بتموت علي نقطة مياه او في حادثة ع الطريق او خلاف علي تلاتاشر جنيه ونص.

فأنا من موقعى هذا برفض الاعتراف باليوم الأهبل ده لان احنا حياتنا كلها بؤس ونكد أزلى ، وبدعو لاستبداله بيوم عالمى للحزن ننزل نقطع شرايينا فيه علي أنغام امير الأحزان مصطفي كامل وملك الجراح هانى شاكر، اقول قولي هذا واستغفر الله لى ولكم والسلام عليكم ورحمة الله وبركاته.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments