search

Writer

How do you feel about the article?

ازاى تكون سوبرمان

- كتب عبده درويش -

 مين فينا مش بيحلم يرتبط بواحدة تكون شبه "سكارليت جوهانسون" أو "انجلينا جولي" أو "ياسمين صبري"؟ فى نفس الوقت مش صعب تلاقى واحدة عايزة واحد بمواصفات "براد بيت" أو "ليوناردو دي كابريو" أو "آسر ياسين".

 من مشاكل المصريين أنهم معظمهم مش عارفين أن النجوم عشان يوصلوا للى هما فيه اخدوا وقت طويل أكتر ما احنا متصورين، الحقيقة هم ناس عادية زيهم زينا.. الاختلاف أنهم بيعملوا حاجات كتير مننا بيكسل يعملها، "كريستانو رونالدو" نجم ريال مدريد والبرتغال وواحد من أفضل لاعبى الكرة دلوقتى صرح أنه أول لما يصحى لازم يلعب تمارين للبطن وبعض التمارين الخفيفة، لو سألتك أنت بتعمل ايه أول لما تصحى أكيد الإجابة حتكون "بقفل المنبه واكمل نوم".

 الـ"Superman" أو"Superwoman" ممكن يكون أنت أو هى عادى، أنت ممكن ميبقاش عندك دقن ولا جسمك كله عضلات ولا عندك غمازات ولا ضحكتك تجنن، وأنتِ ممكن متكونيش حلوة ولا جسمك حلو ولا شعرك مفيش زيه، بس أنت ممكن تكون بتلعب رياضة، بتتحدى نفسك أنك تغير من شكلك، بتعرف تلبس حلو، بتقف عشان تقعد مكانك بنت في المواصلات، بتساعد أى حد محتاج، بتسعى أنك تكون كويس فى شغلك، شخصيتك لذيذة، وأنتِ ممكن تكوني بتعرفى تلبسى حلو، دماغك حلوة، شخصيتك لذيذة، بتحسني من شكلك دايما، عندك هدف وعايزة توصليله وتكونى ناجحة فى شغلك، بالمناسبة أنا مؤيد جدًا أن البنات تشتغل وتكون ناجحة، بالعكس يعنى دى حاجة تخلينى افتخر بيها بدل ما تقعد في البيت، طبعا مفيش بنت تصدق ده وهتشك في إن اللى كاتب المقال رجل، بس فى رجالة طبيعية كده.

في جملة حلوة لأحمد حلمى في فيلم "بلبل حيران" بيقول فيها "أنا كنت بدور علي سوبر وومان بس أنا أصلا مش سوبر مان"، الخلاصة مش لازم تكون بالجسم والعضلات والشكل، فى حاجات كتير حلوة تخليك سوبر مان وعلى رأى حكيم "ده عشق الجسد مش دايم لكن اللى دايم حلاوة روح".

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments