search

اليوم العالمى للسعادة.. فرفش يا ببلاوى

كتبت فاطمة عادل

معروف عننا ان احنا شعب "ابن نكته" بس فى الحقيقة احنا عمرنا ما كنا مبسوطين زى ما الناس بتقول ودايماً مرسوم علي وشوشنا الكآبة و الإحباط والهم و الأرف والبؤس وكل ماتتخيله من مرادفات الطاقة السلبية، هتلاقى الشباب اللى فى" العشرينات" ولسه مدخلوش دنيا، شايلين الهم بدرى جداً ومقضينها أغانى عم "أحمد شيبه" ( الدنيا ماشية بضهرها وحطط عليا) اللى بتحبطهم أكتر من الدنيا وبالتالى بتأئر عليهم جداً، ومفيش أى طاقة إيجابية موجوده فى حياتهم، حتى لما بيندمجوا على السوشيال ميديا شويه دى برده طاقة سلبيه، لانهم بيشوفوا الناس اللى حواليهم عندهم نفس الهم ونفس الطاقة السلبية.

لو مشيت فى الشارع دلوقتى هتلاقى اللى ماشى بيكلم نفسه من كتر الهم واللى بيقول "اهو ماشية.. شغال" عشان مش عارفين يطلعو كلمه توصف الحالة اللى هما فيها، لدرجة ان بقيت حاسة انى لو سالت حد أنت مبسوط هيقولى"انت عبيط ياحيوان أنت هو فى حد الأيام دى بقى مبسوط".. بس عموما ملناش ذنب فى اننا شباب طالعة كئيبة لان الحياه اللى احنا فيها هى اللى رسمتلنا البؤس ده واننا عمرنا ما كنا مبسوطين.

أعتقد لو البلد عندنا اخدت القرار انها تعمل وزارة للسعادة زى الإمارات ممكن تبقى خطوة جديدة فى سبيل إنها تريح الشعب كله، لان احنا كشعب محتاج "حبة هشتكة".

طب لو مفيش وزارة للسعادة، هنفضل كده جيل مكتئب وبائس.. لا طبعاً، كل واحد فى ايده انه يخلى السعادة عادة عنده، يعنى ليه السعادة متكونش دايما موجودة حتى لو بيقابلك ظروف سيئة وبتواجها فى حياتك، أنت ممكن تغير مودك وتبدء يومك بابتسامة حتى لو يومك وحش كمله بالابتسامه دى.

السعادة قرار

قرر انك تصحى من النوم وتخلى يومك كله سعادة حتى لو ايه حصل او هيحصل، حتى لو فيه ضغوط بتقابلك، قرر انك متستسلمش للكئابة والنكد، قرر إنك تواجه أى حاجة ومطمن عشان عندك أمل بربنا. خلى قبلك دايما مبسوط ومتفائل عشان متجيش تقول أنا ضيعت كتير وأنا نكدى وكئيب ومستمتعتش بأيامى لحد ما راحوا، من الاخر يعنى كده "فرفش يا ببلاوى".

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments