search

يوم عيد الأم

كتب جوليان عزت ومحمد عصام

الأولاد: ست الحبايب يا حنينه.. كل سنة وانتى طيبة يا ماما.

الأم : كل سنة وانا طيبة ايه فين الهدية؟!

الأولاد: ايه الأم دى، احنا هديتك مش انتى اللى بتقولى كده ان هديتك اننا ننجح.

الأم : بقول .. بس برضه فين الهدية؟

الأخت: روح يابنى هاتلها الهدية من جوا بدل ما تبيتنا على السلم النهاردة.

الأب: هو لية مفيش عيد أب؟ انا اللى بشتغل وبتعب وبجيب فلوس علشان تعملوا اللى انتوا عايزينه.

الأم : بس مش بتخلف ولا بترضع ولا بتسهر ولا بتربى سبنى اشتغل واعمل انت كل ده و هايجيلك هدية متقلقش.

الأب: لأ بتتعبوا فعلا بس برضه أنا استاهل هدية.

الأخ: مش احنا بناخد منك ف عيد ميلادك فلوس و بنجبلك هدية؟

الأب: هدية بفلوسى!!  تمام ماشى أنا راضى

الأولاد: ايه رأيك فى الهدية يا ماما.. ده البوم صور فيه كل الذكريات الحلوة من يوم ما اتولدنا لحد النهاردة وفى شوية صور غريبة خدنهالك على فجأة متزعليش.

الأم : الله حلو أوى ربنا يخليكم ليا.

الأولاد: اه ماما فى ورقه ف أخر الألبوم أقريها.. فيها كل حاجة عايزين نقولهالك طول عمرنا ومش عارفيين فقولنا نكتب احسن.

مشهد هيحصل في كل بيت فى يوم عيد الأم و يمكن أكتر من كده كمان وكما قال الشاعر حافظ ابراهيم في قصيده العلم والأخلاق :"الأمُ مدرسةٌ إذا أعددتها... أعددت شعباً طيب الأعراق".

بجد اليوم ده بكل تفاصيله بيبقى حلو أوى هدايا كتير حب أكتر فرحة الأم أو الجدة او أى ست بتهديها هدية فى اليوم ده متتوصفش جربوا تبصوا فى عنيهم وانتوا بتدوهم الهدايا هتشوفوا فرحه غريبة.. بس على فكرة بالنسبه للأم ف مش شرط خالص ان الهدية تبقى هدية مادية الأم هداياها بسيطه لو متجوز و بعيد عنها ف أبسط هدية سؤالك عليها كل يوم تطمن عليها فيه.. لو عايش معاها و بتدرس ف هديتها انك تنجح لو عايش معاها و بتشتغل هديتها انك تبقى مبسوط وفرحان فى حياتك وتنجح برضه لو لسه متجوزتش ف هديتها و اكبر هديه ليها انك تتجوز و تشوف أحفادها.

بس مش ملاحظين حاجه .. إن فى كل الهدايا ديه مفيش ولا هديه ليها هي يعنى مفيش حاجه ليها كسيدة.. مفيش أم في العالم ده كله بتتمنى حاجة ليها هي كل هداياها وأمنيتها وصلاتها ودعواتها بتبقى لعيالها وأحفادها.

مفيش قلب أم أناني حتي لو هتيجى على نفسها شوية علشان سعادة عيالها وأحفادها وجوزها.. ماهو أول طفل ف حياة أى ست بيبقى جوزها بتبقى مسؤوله عنه .. عن أكله، شربه، لبسه، سعادته، انه يبقى ناجح فى شغله.. لو إنشغلت عنه بسبب الأطفال بتبقى عايزة تطلع العيال دول حاجه هو نفسه يفتخر بيهم يعني برضه مش ليها طبعاً هي هتفتخر بيهم برضه لكن الأهم عندها نجاحهم.

أنا كل كلامى موجه أكتر للرجالة لأن بالفطرة أى بنت بتتولد بيتولد معاها غريزة الأمومة ديه .. بس إذا كان بنات أو ولاد "حافظوا علي أمهاتكم " احنا عايشين فى الدنيا دى بالدعوة اللى بيدعوهالنا وربنا يخليلنا أمهاتنا كلنا يارب و أي ست ف حياة كل شخص.

كل سنة و أنتن طيبات وبصحة وسعادة ..

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments