search

Writer

How do you feel about the article?

أنتى جوزاء؟ اه...طب باى

كتبت هايدى سامح

المرأة الجوزاء.. نبدأ منين يا ترى؟ هى مرأة زى أى مرأة على فكرة، بس فيها شوية اختلافات كدة، هو التعامل معاها مش صعب يعنى زى ما الناس بتقول، بالعكس هو بس بيتطلب قدرة قوية على التحمل والمرونة وطول البال وياريت يبقى عندك خبرة فى سرعة التعامل مع الأزمات والتحكم فى الأعصاب، هى قلبت مواصفات "body guard" بس مش مشكلة، خلونا دلوقتى نتدخل فى تفكير شخصية أنثى الجوزاء.

أول حاجة هما مش منافقين أبداً، بس هما ممكن يحبوا حاجة النهارده ويكرهوها بكرة عادى، وده لأنهم بيعطوا حُكم مبدأى على الأشياء، يعنى هما ممكن يشوفو حاجة ويقولو "ياع ايه ده لا ايه القرف ده!" وبعدين تقوم واخدة شوية وقت كدة وتفكر فى الرفض السريع اللى حصل فى الأول ده وتبدأ تعدل فى الأمور وتلاقيها معجبة ويمكن تحب الحاجة دي كمان فمتستغربش لو غيرت رأيها فى يوم وليلة، وده شىء إيجابى لأنه دليل على تقبل الرأى الآخر والمرونة فى التفكير والضمير الصاحى كدة.

الحقيقة أن الجوزاء مش شحصيتين فى شخصية واحدة، لا هى شخصيات كتيرة فى شخصية واحدة، يعنى ممكن مع حد معين تكون ليها صفات معينة بترسم بيها شخصية معينة وممكن بردُه مع حد تانى يكون ليها صفات مختلفة فتكون شخصية مختلفة ولكن ده مع الحفاظ على كيان الشخصية الأساسى، أنثى الجوزاء بيُطلق عليها أن هى الشىء ونقيضه بس مش بطريقة وحشة...هى بتبقى على حسب الموود.

الحاجة التانية والأهم إن أنثى الجوزاء معندهاش شىء مطلق، يعنى مينفعش تطلق عليها صفة معينة، لأن هى أحياناً بتتعصب جداً وأحياناً باردة، هى أحياناً كل حاجة وعكسها وده ممكن يكون حال كتير من البشر مش بس الجوزائيين لأن الحالات المزاجية للفرد متقلبة ومحتاجة تتفاعل معاها، أما بقى لو أنت مرتبط أو بتفكر ترتبط بجوزائية إياك تقول على حاجة وحشة فيها.. هما يقولو على نفسهم ماشى إنما أنت لااااااا! الناس كلها فيها عيوب عادى وبالتوازن فى قدامها مميزات والأبراج مش خانات تعريف يعنى، هى صفات مشتركة فى كل برج بتميزه عن التانى.

 (PS) لو بتكلم واحدة وعرفت إنها جوزاء...متنسحبش من أول قلم

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments