search

Writer

How do you feel about the article?

عربية كارو

كتب محمد عصام

بمجرد انى أشبه بلدنا والحالة اللى هى فيها بالعربية الكارو فأظن كدة الموضوع اتفهم. الحقيقة ان العربية الكارو بكل العيوب اللى فيها ومنظرها انما أحسن من بلدنا ..على الأقل بتمشى..

بلد خربانة بكل معنى الكلمة من أصغر بيت فيها لحد قصر الرئاسة مافيش حاجة فيها عدلة ولا حتى شرم الشيخ. الموضوع مش موضوع مكان انما هى اسلوب وثقافة شعب. شعب اتعود على التخريب فرحان أوى بأمجاد زمان اللى لسة لحد دلوقتى بيتباهى بيها.

بلدنا عاملة زى العربية الكارو اللى واقفة مكانها عليها شوية كراكيب تربت وعفنت. المفروض بيسوقها سواق بس للأسف السواق ده تعبان وعقيم. وده فعلا حال النظام بتاعنا - السواق ( نظامنا ) تعبان فعلا لأنه مبيهتمش بنفسه سايب نفسه لأى حد يسوقه و للأسف معظم السواقين بيحبوا يمشوا شمال.

فى سواق قادر يمشى فى الطريق الصح وسواق تانى ميعرفش لأن كل همه مصلحته هو وبس حتى لو كانت العربية واقفة. العربية دى مش هتمشى غير بطريقة واحدة...نرمى الكراكيب والقرف اللى عليها ونجيبلها سواق يقدرها ويفوق الحمار من جديد و يخلى حمارنا أقوى من حمير دول كتير. وخلاص وقت الأختيار مش فاضل عليه كتير واتمنى يبقى السواق على قد المسؤلية.

كل ده مش هيحصل غير بزقة جامدة أوى مننا علشان العربية تمشى من مكانها. لازم نفهم احنا وصلنا لفين ومش هتكلم فى الموضوع لأنكوا عارفين احسن منى بكتير. لازم نبطل نبقى تافهين وسطحين ولازم فعلا نبقى أيد واحدة علشان نعرف نزق العربية دى.

* لو غيرنا من نفسنا البلد دى هتتغير * جملة سمعتوها كتير وبتطنشوها جربوا تعملوا بيها مرة واحدة وهتشوفوا الفرق. على فكرة أنا مش فخور أنى أشبه بلدى بالصورة دى أحنا قيمتنا أكبر من كدة بكتير.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments