search

جروب الدفعة فى موسم الفتى

كتبت ميار محب

- شايف يا سيمبا المنطقة الضلمه اللي هناك دى؟

= ده "جروب" الدفعة فى أيام الامتحانات

بيقولك بقى أول واحد عمل فكرة ان هو يجمع الدفعة كلها على "جروب" واحد كده كان "إله الفتى" عند قدماء المصريين.. ويا سلام بقى لو عندك أكتر من جروب للدفعة (جروب للـ"posts" المهمة واللى مش مهمة وجروب لكل مادة وجروب "assignment" بتاع كل مادة).

والناس على جروب الدفعة أنواع، نوع ساكت كده وهادى وبيتفرج في صمت وغالبا بيكون عامل للجروب "mute" أصلاً وغالبًا برده بيكون فاشل ومش فارقله الفتى ده كله (عاطف كده في نفسه).

نوع تانى بقى مشاركته قليله كده، كائن طبيعى يوم ما يسأل.. يسأل عن الامتحان، عن الماده، عن اسم دكتور المادة وعادة برده بيسأل الأسئلة دى فى ليلة الامتحان.

في شوية بقي بيزداد نشاطه ساعة الامتحانات وهرمونات اللطافه والـ"comics" اللى محدش بيضحك عليها غيره وتلاقيه قلب الـ"official group" لـ"sarcasm group" ويقعد ينزل فى "posts" يلهي بيها الناس ويدح هو.

نوع بقي بيقولك "يجوز قتله" وهو اللى ماشى يوتر في الناس بانه مذاكرش حاجه وانه بيسقط وتلاقيه بيتشنج و"هوب دابل كيك" تلاقى الامتياز منور فى أخر السنة ومن وهو فى سنه تانية متعين معيد والسنه اللى بعدها دكتور وبيديلك ماده.

أخر نوع بقى اللى هو تكمله لسلالة إله الفتى عند الفراعنه اللى هو يخترعلك منهج جديد وأسئله مش من المنهج ويقعد يقنعك إنها مهمة وانت تحس فجأه أن شقى عمرك ومذاكرتك بيتبخر.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments